Қандай қилиб бир уринишдаёқ мукаммал қошларни чизиш мумкин? Ҳаммаси ўйлагандан ҳам кўра осонроқ. Ижтимоий тармоқларда машҳур бўлган лайфхак, албатта, ёрдам беради, деб ёзади Cosmopolitan.
Қошлар юзнинг асосий кўрки бўлиб, нафақат макияж учун, балки бутун образни ҳам тўлдиради. Шу билан бирга, қошлар шаклининг тенденциялари доимо ўзгариб туради. Баъзида ингичка, камон ёки яна табиий кўриниш урфга киради. Интернетдаги мода кўргазмаларидаги моделлардан тортиб, блогерлар ва оддий одамларгача қошларини турли усуллар ёрдамида бўяйди. Яхшиямки, барча тенденцияларни ҳақиқатан ҳам ҳаётда қўллаб бўлмайди.
Фақат битта нарса: классика барибир урфдан қолмайди. Ўртача кенг ва қалин қошлар ҳамиша ҳар қандай образ учун мос келади. Агар табиат сизга бундай гўзалликни ато этмаган бўлса, бу муаммо эмас. Қошларни улар учун мўлжалланган бир нечта бўёқ ёрдамида табиийдек кўрсатиш мумкин.
Қолаверса, ижтимоий тармоқ фойдаланувчиларининг ушбу лайфхаки билан ҳар ким мукаммал қошларни чиза олиши шубҳасиз. Қалам билан бўяшнинг оддий техникасини ўргангандан сўнг ҳатто профессионал стилистларга ҳам мурожаат қилишга ҳожат қолмайди.
Қуйидаги кетма-кетлик ёрдамида бир неча дақиқада ажойиб қалин қошларга эришиш мумкин. Фақат қаламнинг мос келиши учун рангига эътибор бериш лозим. Идеал ҳолда, у сочларга мос ёки бироз қуюқроқ бўлиши керак, бу эса ҳажм қўшишга ёрдам беради. Шунингдек, қалам учли ҳамда сифатли бўлиши муҳим.
Дастлаб қошлар бўш қўйилиб, қалам қошнинг бошланиш қисмига олиб келинади. Сўнгра енгил ҳаракат билан қошнинг бутун узунлиги бўйлаб бурундан қош учигача учта синиқ чизиқ тортилади. Ишонинг, қалам сизни бошқаради.
Охирида барча чизиқларни бирлаштирилиб, ички қисми бўялади. Ушбу техникадан фойдаланган ҳолда бўялган қошлар табиий кўринади.
Қаламни ёйиш учун қош махсус чўтка билан таралади. Қалам қошлар билан аралашади, ёйилгач янада табиий кўринади.
Изоҳ (0)