Швейцария ҳукумати россиялик Андрей Мелниченко компаниянинг бенефициари бўлишни тўхтатиб, директорлар кенгашини тарк этганидан кейин EuroChem’га қарши санкцияларни бекор қилди. Бу ҳақда Tages-Anzeiger газетаси Швейцария Иқтисодиёт бўйича давлат котибиятининг санкциялар бўлими бошлиғи ўринбосарининг мактубига таяниб хабар берди.
Нашрнинг ёзишича, жаноб Мелниченконинг рафиқаси Александра янги бенефициарга айланди.
Расмийларда компания санкция остида бўлган шахсга тегишли эканлиги ёки уни назорат қилиши ҳақида ҳеч қандай далил қолмаган.
Шунинг учун Швейцария ҳукуматида EuroChem фаолиятини чеклаш учун ҳеч қандай асос мавжуд эмаслиги айтилмоқда.
Жаноб Мелниченко март ойида Швейцария ва Европа Иттифоқининг санкциялар рўйхатига киритилган эди.
У ва бошқа бир қатор россиялик тадбиркорларнинг Европа Иттифоқи мамлакатларига кириши тақиқланган ва уларнинг активлари блокланган эди.
Ўша пайтда у EuroChem бош компаниясининг 90 фоизини назорат қилган, аммо кейинчалик компания эгалигидан кетди.
Аввалроқ Германия ва Италия импортчиларга газ сотиб олиш учун рубль ҳисобларини очишга рухсат бергани ҳақида хабар берилган эди.
Изоҳ (0)