Буюк Британия Мудофаа вазирлиги Украинадаги вазиятни ҳар куни ўрганиб, жанговар ҳудудга Россиянинг «Терминатор» — танкларни қўллаб-қувватловчи жанговар машиналари (БМПТ) жойлаштирилганини эълон қилди.
Британия ҳарбийларига кўра, «Терминатор» БМПТ Донбассдаги ҳужумни Северодонецкка йўналтирган.
Бундай жиҳозлар Россия Марказий ҳарбий округининг танк полкларидан фақат биттасида хизмат қилади, дея таъкидлади Британия Мудофаа вазирлиги ҳамда босқиннинг бошида Марказий ҳарбий округ қўшинлари Киевга ўтишга уриниб, катта йўқотишларга дуч келганини қўшимча қилди.
Россия армиясида «Терминатор» машиналари жами 10 донадан ошмайди, «улар ҳарбий кампанияга сезиларли таъсир кўрсатиши даргумон», дейилади Британия Мудофаа вазирлигида.
«Терминатор»нинг Украинага жойлаштирилгани ҳақида аввалроқ «РИА Новости» ўз манбасига таяниб хабар берганди. «Танк взводлари билан биргаликда БМПТлар Украина позицияларига, зирҳли техникалари ва танкка қарши ракета тизимлари экипажларига ўт очишда иштирок этмоқда», — деган манба.
«Терминатор» БМПТ биринчи марта Россия армиясига 2018 йилда қабул қилинган. Очиқ манбаларда «Терминатор»ларни оммавий ишлаб чиқаришга қарор қилингани ҳақида ҳеч қандай маълумот йўқ.
БМПТ иккита 30 миллиметрли тўп, лазерли бошқарув тизимига эга тўртта «Атака» типидаги 9М120-1 бошқариладиган ракета отиш мосламаси, иккита граната отиш мосламаси ва янгиланган 7,62 миллиметрли Калашников танк пулемётига эга.
Россия армиясидаги БМПТларнинг аниқ сони номаълум, аммо очиқ манбалардан олинган маълумотларга кўра, уларнинг сони ўндан ошмайди.
Мавзуга доир:
- Британия Украинага артиллерия, дронлар ва кемаларга қарши ракеталар етказиб беради
- Reuters: АҚШ Украинани кемага қарши ракеталар билан қуроллантиришни режалаштирмоқда
- Россия «Азовсталь» назорат остига олинганини эълон қилди. «Азов» командири гўёки мариуполликларнинг нафрати туфайли у ердан зирҳли автомобилда чиқариб кетилган
Изоҳ (0)