2022 йилнинг январь—апрель ойларида Ўзбекистонда 95 023 та енгил автомобиллар ишлаб чиқарилган. Бу ҳақда Давлат статистика қўмитаси хабар берди.
Таъкидланишича, ишлаб чиқарилган енгил автомобиллар сони 2021 йилнинг мос даврига нисбатан 30 036 тага ошган.
2022 йилнинг январь—апрель ойларида айрим турдаги саноат маҳсулотларини ишлаб чиқариш ҳажми:
- автомобиль бензини — 382,3 минг тонна;
- кўмир — 1,6 млн. тонна;
- нефть — 248 минг тонна;
- газ конденсати — 459 минг тонна;
- енгил автомобиль — 95 023 дона;
- автобус — 247 дона;
- юк автомобиллари — 1188 дона;
- автомобиль двигателлари — 71,1 минг дона.
17 май куни АОКАда ўтказилган брифингда Монополияга қарши курашиш қўмитаси раиси Шоҳрух Шораҳметовга давлат раҳбари «Ўзавтосаноат»га автомобиль харидида юзага келаётган навбатларни 1 май санасига қадар бартараф этиш борасидаги вазифа қўйгани ва қўмита бу борада амалга оширилаётган ишларни кузатиб боряптими, деган савол берилганди. У «ҳозирда бутун дунёда яримўтказгичлар муаммоси кузатилаётгани ва бу бўйича саволни UzAuto Motors’га бериш тўғри бўлиши», айтган эди.
Изоҳ (0)