Instagram: Синглисига машина совға қилган Dili.me, димоғдорликда айбланган Нилуфар Усмонова, соғлиғи туфайли касбини ўзгартирган Паризода

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Болливуд юлдузи Дипика Падуконе Канн кинофестивалидаги образларидан бири акс этган суратини саҳифасига жойлади.

Телебошловчи Лола Зуннунова онасининг туғилган кунига Малика Равшановани таклиф қилиб, волидаси ёқтирган қўшиқни совға тариқасида тақдим этди.

Режиссёр Жаҳонгир Аҳмедов ўғлининг сурати билан бўлишди.

Шаҳзода Муҳаммедова икки ёшли қизи Милана билан биргаликда Райҳоннинг қўшиғига ишланаётган клипда суратга тушмоқда.

АҚШда яшовчи актёр Отабек Маҳкамов севимли хонандаси Наргиз Зокирова билан учрашди.

Актриса Феруза Норматова сирли ошиғидан қимматбаҳо совғалар — бриллиант тақинчоқлар олди.

Нигора ҳам кузатувчиларига янги сурат билан кўриниш берди.

Раққоса Паризода саломатлигида кузатилаётган муаммолар туфайли рақсдан бироз чекланиб, ўзини бошловчиликда синаб кўраётганини маълум қилди. «11 ой олдин соати узоқ бўлган операцияни бошимдан ўтказган эдим. Наркознинг таъсири катта бўлдими, билмадим, хотирам ва миям билан муаммолар чиқа бошлади, асаб системаларим нозиклашиб, соч тўкилиб, кесишга мажбур бўлдим, ‘черепной’ кучайиб, фикрлар тарқоқлиги кузатила бошлади. Умуртқа поғонамда ўзгариш бор эди, туғуруқдан сўнг касаллик қўзғаб, оёғимда қаттиқ оғриқни пайдо қила бошлади. 4 та рақсдан уёғига ўйнолмай қолдим. Соғлиғим борган сари ёмонлашиб борди, кейин докторлар асабларни ва танани зўриқтириш мумкинмас деган кундан бошлаб ёшлигимдан орзу қилган сухандонликка назарим туша бошлади», — дейди Паризода.

Зиёда бундан 10 йил аввал, тўйи куни онаси билан тушган суратини саҳифасига жойлади.

Нилуфар Усмонова Қўқонда мухлисаларидан бири билан мулоқоти акс этган видеони саҳифасига жойлаштирди ҳамда кузатувчиларидан балога қолди. Видеода хонанданинг мухлисаси ундан телефон рақамини беришини сўраган, Нилуфар Усмонова эса шахсий рақамини бера олмаслиги, бироқ ёрдамчисининг рақамини беришини айтган. Хонанданинг кузатувчилари унинг бу ҳаракатини димоғдорликка йўйди.

Айни пайтда Европада саёҳатда бўлган вайнер Лиил Хуррамов кузатувчиларини орзулар сари дадил қадам босишга ундади.

Dili.me тахаллуси билан ижод қилувчи вайнер, актёр Дилшод Назаров синглисининг туғилган кунига машина совға қилди.