Голливуднинг машҳур актёрлари ҳақида ҳамкасблари нима дейди?

Илгари юлдузлар ҳақида кўп нарса билмас эдик, энди эса севимли актёрларимизнинг, гўё улар бизнинг энг яқин дўстларимиздек, кундалик ҳаётини кузатиш имконига эга бўлдик. Уларни оммавий ахборот воситаларида ва ижтимоий тармоқларда кузатамиз. Бироқ уларнинг бир жиҳати кўпчилик учун ҳалиям ёпиқ: бу иш жараёни билан боғлиқ ҳамма нарса.

Райан Гослинг

«Ла Ла Ленд» юлдузи Райан Гослинг ҳар доим суратга олиш майдончасидаги одамларга, айниқса, ёш ҳамкасбларига эътиборли бўлишга ҳаракат қилади. Гослинг «Ажойиб йигитлар» фильмида ишлаётганда бир нечта ёш актрисалар билан кастингда қатнашади. У ҳар бир иштирокчининг таржимаи ҳолини синчковлик билан ўрганиб чиқиб, яхши тайёргарлик кўради.

Фильм режиссёри Шейн Блек шундай дейди: «Бу ажойиб эди. У қизларнинг ҳар бири ҳақида ҳамма нарсани биларди. Улар қайси фильмларда суратга тушгани ва ҳаётлари ҳақида маълумотга эга эди. У ҳақиқатан ҳам болалар билан танишиш учун вақт ажратди. Бу жуда ажойиб эди».

Дуэйн (Қоя) Жонсон

Дуэйн Жонсоннинг суратга олиш майдончасида ўзида бор нарсасини бериши ва ўз устида ишлаши ҳамкасбларини ҳайратда қолдиради ҳамда илҳомлантиради. «Унинг фитнес режими ва танасига қандай ғамхўрлик қилиши мени ҳайратда қолдиради. Бу, албатта, мени илҳомлантиради», — дейди «Форсаж: Ҳоббс ва Шоу» фильмида Қоя билан бирга ишлаган Идрис Элба.

Клаудия Шиффер

Миш-мишларга кўра, таниқли модель ва актриса Клаудия Шиффер билан ишлаш қийин. У ходимлар билан бевосита мулоқот қилмасликни афзал кўради.

«Клаудия Шиффернинг жуда ғалати одати бор. Унга бирор нима десангиз, у ўз ёрдамчисига жавоб беради, гўё сиз хонада йўқдек. Кейин эса ёрдамчи сизга унинг гапини такрорлайди», — деди модель ташриф буюрган муассаса ходимларидан бири.

Том Хенкс

«Форрест Гамп» ва «Яшил мил» каби машҳур фильмларда бош ролларни ўйнаган Том Хенксни кўпчилик жуда яхши инсон сифатида гапиради. Хенкс билан «Сфера» фильмида бирга ишлаган Эмма Уотсон шундай дейди: «Мен Том Хенкс барча мақтагандек эмаслигига ишончим комил эди. У ҳамма айтганидек илтифотли бўлиши мумкин эмас. Аммо у айнан шундай эди».

«У жуда сахий ва мулоқот қилиш осон. Унда сиз кўрмоқчи бўлган барча фазилатлар мавжуд. Бу ҳақда чин дилдан айта олганимдан жуда хурсандман, чунки агар Том бўлмаганида, қаттиқ хафа бўлардим», — дея қўшимча қилади у.

Жорж Клуни

Тажрибали актёр Жорж Клуни ўзини янги соҳа — режиссёрликда синаб кўришга қарор қилди. Унинг «Нафис бар» фильмида бош ролни ижро этган ёш актёр Тай Шериданнинг айтишича, Клуни ёрдамини аямайдиган режиссёрлардан бири. «У одамларга ўзларини қулай ҳис қилишларига ёрдам беради», — дейди Шеридан.

«Клуни ҳамма нарсани тушунади. У худди биргаликда рол ижро этаётганга ўхшайди ва бу жуда қизиқарли. Ўйлайманки, муносабатларимизда бошқа режиссёрлар билан бўлганидан фарқли динамика бор эди. Бу менга жуда ёқди», — дейди у.

Расселл Кроу

Расселл Кроу ўзи билан ишлаш қийинлиги билан танилган актёр. Кўпинча бу унинг ишига бўлган иштиёқи билан боғлиқ. «Рассел минглаб саволлар беради. Биз 6 ҳафта давомида бирга ишладик ва шу 6 ҳафтада у сценарийнинг ҳар бир сатрини ўқиб чиқди. У ҳар бир тафсилотни шубҳа остига қўяди», — дейди «Лос Анжелес сирлари ортидан» фильмида актёр билан ишлаган режиссёр Кертис Хансон.

Кичик Роберт Дауни

Кичик Роберт Дауни нафақат экранда энг таниқли суперқаҳрамонлардан бири — Темир одамни гавдалантиради, балки Marvel олами кинои жодкорларини ҳам қўллаб-қувватлайди.

«У жуда зўр йигит, жуда истеъдодли, тажрибали ва ҳаммага ёрдам беради. У доим ёнимда бўлди, унинг ёрдамини ҳис қилиб турдим. У ҳаммани бир жамоага йиға олишни билади ва барчага етарлича эътибор қаратилишига ҳаракат қилади», — дейди франшизада Капитан Америка ролида ўйнаган Крис Эванс.

Уиллиам Дефо

Роберт Паттинсон афсонавий актёр билан «Маёқ» драмасининг суратга олиш майдонида бирга ишлади. Паттинсон Уиллиам Дефонинг энергиясидан илҳомланган ва ҳатто бироз қўрқиб ҳам кетган: «Суратга олишни бошлашдан олдин тахминан бир ҳафта машқ қилдик. Уиллиам жуда кўп энергияга эга. Бу худди 6 ёшли бола билан ишлашга ўхшайди. У умуман чарчамайди».

«Аввалига бироз қўрқдим. Биз бутун фильмни бошдан оёқ репетиция қилдик. Тугатганимиздан сўнг, у шундай деди: «Қайтадан!»  ва дарҳол яна қайтара бошлади, ажабланарлиси у ҳеч ҳам чарчамасди», — дейди у.