Instagram: Шаҳзода Муҳаммедова Америкага кетяпти, Лола Шаҳзода билан қандай муносабатда? Каниза янги машинасини кўрсатди

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Хонанда Лола саҳифаси орқали мухлисларини қизиқтирган саволларига жавоб берди. Савол-жавоб асносида у марҳум отасининг собиқ рафиқаси, хонанда Шаҳзода билан ҳеч қандай муносабатда эмаслигини айтиб ўтди.

Ҳамдам Собиров қизалоғи Саъдияга кичкина машина олиб берди. Хонанда қизининг совғани кўрганида қанчалик хурсанд бўлгани акс этган видео билан бўлишди.

Айни пайтда АҚШда яшаётган актриса Юлдуз Ҳамидова невараси билан бирга кўриниш берди.

Нашидалар куйлаб, элга танилаётган ёш устазода хонанда Иззат Шукуров никоҳланди.

Шаҳло Зоирова ўз ишини севишини айтиб, янги сурати билан бўлишди.

Шаҳзода Муҳаммедова АҚШга виза олганини кузатувчиларига маълум қилди.

«Браво» кулги жамоаси актёри Отабек Мирзахолов ўғлига мактабидан берилган фахрий ёрлиқни кўриб, тўлқинланиб кетгани ҳақида ёзди.

Хонанда Дилфуза Раҳимова пилла қурти парвариши бўйича ўз тажрибалари билан бўлишди.

Ўзини қўшиқчиликда ҳам синаб кўраётган Дилноза Кубаева «Ҳаёт гўзал» қўшиғига клип суратга олдирмоқда.

Феруза Норматовага iPhone 13 Pro Max ҳамда тилла тақинчоқлар совға қилишди. Актриса ҳадя юборган инсонга миннатдорлик билдирди.

Фаҳрие Эвжен Қатарда бўлиб ўтган заргарлик буюмлари фестивалида иштирок этди.

Сардор Раҳимхон «Юрак амри» хайрия фонди бир муддат фаолиятини тўхтатишини эълон қилгач, жамоаси билан биргаликда Дубайга жўнаб кетди.

Умида Мирҳамидова онасини туғилган куни билан табриклади.

Лола қизи Аишанинг беғубор видеосини саҳифасига жойлади.

Муниса Ризаева Нукусга хизматга йўл олди.

Хонанда, шунингдек, янги қўшиғини тез кунларда мухлислари эътиборига ҳавола этишини билдирди.

Севара Солиева эндиликда тўйларда қўшиқ ҳам ижро этади. Актриса бу ишга мухлисларининг талаб ва истакларига биноан қўл урганини айтади.

Каниза мухлисларига бир муддат олдин харид қилган Jetour 70Х кроссоверининг ўзига хос хусусиятлари ҳақида сўзлаб берди.