Британиялик хонанда Эд Ширан иккинчи марта ота бўлди

Британиялик хонанда Эд Ширан ва унинг рафиқаси Черри Сиборн иккинчи марта ота-она бўлди, деб хабар беради People Talk.

«Биз яна бир гўзал қиз фарзандли бўлганимизни сиз билан баҳам кўрмоқчимиз. Уни жуда ҳам яхши кўрамиз», — деб ёзади хонанда Instagram саҳифасида.

Айтиш жоизки, Эд Ширан нафақат севги ҳақидаги қўшиқлари билан мухлислар қалбини забт этган, балки ўзини ҳақиқий ва меҳрибон ота сифатида ҳам намоён қилган. Хонанда биринчи фарзандининг дунёга келиши унинг ҳаётига қандай таъсир қилгани ҳақида ҳам тез-тез ўз таассуротлари билан бўлишиб туради. Унинг Лайра Антарктида исмли қизи 2020 йил август ойида туғилган.