Qoraqalpog‘iston Respublikasining Qo‘ng‘irot tumanida fuqaroni ishga kiritib qo‘ymoqchi bo‘lgan Aholi bandligiga ko‘maklashish markazi inspektori yordamchisi qo‘lga olindi, deb xabar beradi Bosh prokuratura huzuridagi departament.
Ma’lum qilinishicha, departament hamda DXXning Qo‘ng‘irot tumani bo‘limlari tomonidan IIV xodimlari bilan hamkorlikda tezkor tadbir o‘tkazilgan. Tadbirda tuman Aholi bandligiga ko‘maklashish markazi mehnat inspektori yordamchisi M.K. fuqaro J.ni 3 ming dollar evaziga tanishlari yordamida “O‘zbekiston temir yo‘llari” AJga qarashli korxonalarning biriga ishga joylashtirib berishni va’da qilgani aniqlangan. M.K fuqarodan 1000 dollar olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkent viloyatida tibbiyot xodimini bosh shifokor o‘rinbosari etib tayinlashga yordam berish uchun 1,3 ming dollar olgan shaxslar ushlangandi.
Mavzuga doir:
- Ohangaronda fuqaroni metallurgiya kombinatiga ishga kiritish uchun 3 ming dollar so‘ragan shaxslar ushlandi
- Sirdaryo viloyati perinatal markazi xodimasi ishga joylashtirish evaziga pora olayotganida qo‘lga tushdi
- Surxondaryoda 2 ming dollarga chegara qo‘shinlari harbiy qismiga ishga kiritib qo‘ymoqchi bo‘lgan shaxs ushlandi
Izoh (0)