Land Rover компанияси ўзининг классик модели Range Rover ортидан флагман кроссовернинг учинчи авлод Sport-версиясини тақдим этди.
Автомобиль кузовининг ташқи томонидан ортиқча уланишлар ва чиқишлар сони камайган. Эшик тутқичлари эндиликда тортиб очилади, ташқи оптикаси ихчамлашган, кузов шакли олдинги авлодга нисбатан анча равон.
Ўриндиқлар орасидаги масофа 31 сантиметрга, юкхона ҳажми эса 780 литрдан 835 литргача ошган. Учинчи қатор ўриндиқлари эса фақат Range Rover’нинг катта моделларига ўрнатилади. Салон қиммат матодан қопланган, бироқ чармли ёки полианилинли варианти ҳам мавжуд.
Диагонали 13,7 дюймга тенг экранга қўшимча сифатида проексион дисплей мавжуд, салондаги кўзгудан эса орқа камералардан тасвир узатиладиган экран ўрин олган. Медиатизим 13,1 дюймли эгилган дисплейга эга бўлган. Иқлим-назорат ўз ҳолида қолдирилган.
Range Rover Sport қуйидагича агрегатлар билан жиҳозланган:
- 249 от кучини тақдим этувчи V6 ҳажмга эга уч литрли D250 дизель мотор ёки 350 от кучили D350;
- 360 от кучини тақдим этувчи V6 ҳажмга эга уч литрли P360 бензин мотор ёки 400 от кучили P400;
- 530 от кучини тақдим этувчи V8 ҳажмга эга 4,4 литрли бензин мотор;
- Бир марта қувватланиш орқали 88 километр йўл босишга қодир P440э ва P510e гибрид моторлар.
Ранге Rover Sport савдолари шу йилнинг кузида бошланади. Германиядаги расмий нархи — 97,65 минг доллар. 2024 йилда моделнинг тўлиқ электрлаштирилган версиясини тақдим этиш режалаштирилган.
Изоҳ (0)