Франциянинг Engie энергетика компанияси «Газпром» билан Россия гази учун тўлов схемасини ўзгартиришни муҳокама қилмоқда. Бу ҳақда француз компаниясининг 2022 йилнинг биринчи чораги учун ҳисоботида айтилган.
Апрель ойидан бери Владимир Путин «дўстона бўлмаган мамлакатлар»дан газни рублда тўлашни талаб қила бошлади.
Engie Россиянинг Россия газ етказиб бериш учун тўлов схемасини ўзгартириш ҳақидаги сўрови юзасидан «Газпром» билан музокаралар олиб бормоқда. Гуруҳ ўзининг тўлов мажбуриятларини бажаришга тайёр бўлиш учун зарур чораларни кўрди, — дейилади хабарда.Бу Европа санкциялари доирасига мос келиши ва Engie учун хавфлар мувозанатини ўзгартирмаслиги керак дея қўшимча қилади компания.
21 апрель куни Engie раҳбари Жан-Пьер Кламаде компания рублда тўлаш ёки тўламаслигини ҳозирча ҳал қилмаганини айтди.
Bloomberg маълумотларига кўра, Европадан 20 та компания Россия гази учун тўловни амалга ошириш мақсадида валютани конвертация қилиш учун «Газпромбанк»да ҳисоб рақамларини очган.
Еврокомиссия «Газпромбанк»да шартнома валютасида ҳисоб очиш санкцияларни бузмайди, деб ҳисоблади. Улар Россиянинг Украинадаги ҳарбий амалиётига жавобан жорий қилинган.
Аввалроқ Россия нефтидан воз кечиш таклифидан сўнг, Европада энергия нархлари кўтарилгани ҳақида хабар берилган эди.
Изоҳ (0)