Шавкат Мирзиёев раислигида 17 май куни ўтказилган Товар-хом ашё биржасида савдоларни кўпайтириш, маҳаллий корхоналар иштирокини кенгайтириш бўйича йиғилишда ҳокимларга бир қатор топшириқлар берилди. Бу ҳақда президент матбуот котиби хабар қилди.
«Ҳудудларнинг биржа савдоларидаги иштирокини кенгайтириш бўйича ҳокимларнинг иш режаси билан танишиб чиқдим. Очиқ айтиш керак, ҳали аксарият ҳокимлар масалани ичига кирмаган, биржа нималигини билмайдиган туман ҳокимлари ҳам бор», — деган давлат раҳбари.
Шу боис ҳар бир вилоят, туман ва шаҳар ҳокимига:
- ўз ҳудудидаги тадбиркорлар билан учрашиб, уларнинг ишлаб чиқариш қувватларини таҳлил қилиш;
- аниқ турдаги ва миқдордаги маҳсулотларни биржага олиб чиқиш бўйича ойма-ой режаларини тасдиқлаш топширилган.
Мавзуга доир:
- Ўзбекистонда айрим турдаги товарлар биржага қўйилмагани оқибатида уларнинг нархларида ўсиш кузатилган
- Ўзбекистон Товар хом-ашё биржасига олиб чиқиладиган маҳсулотлар тури 5 бараварга ошириш вазифаси қўйилди
- Ўзбекистонда маҳаллий тадбиркорларнинг маҳсулотлари учун биржа тўловлари 2 бараварга қисқартирилади
Изоҳ (0)