Баъзи ичимликлар терини парвариш қилиш маҳсулотлари каби шиш билан курашади. Агар ҳар куни шиш билан боғлиқ ҳолатлар безовта қилса, Marie Claire нашри тақдим этган ичимликлар рўйхати ушбу муаммони бартараф этишга ёрдам беради.
Ҳар бир аёл ҳаётида камида бир марта бўлса ҳам кўз остидаги халтачалар, юз ва тўпиқда шиш билан боғлиқ ҳолатларга дуч келади. GMТ Cлиниc клиникасининг эстетика ва ҳаёт сифати бўйича гастроэнтеролог, диетолог, интегратив тиббиёт шифокори Наталя Гронская қайси ичимликлар бу муаммони тез ва осон ҳал қилишда ёрдам беришини маълум қилди.
Организмда суюқликни ушлаб туришга ҳисса қўшадиган шиш пайдо бўлишининг сабаблари жуда хилма-хилдир. Улар лимфа ва қон айланиш тизимларининг фаолияти бузилган жойларда пайдо бўлади. Шу билан бирга, шиш микроэлементларнинг номутаносиблигини қўзғатадиган нотўғри овқатланиш, Организмнинг ички муҳитини кислоталаниши, суюқлик чиқарилишининг бузилиши ва организмдаги жиддий муаммолар билан боғлиқ бўлиши мумкин.
Шундай қилиб, шиш буйрак, юрак, гормонал касалликлар, варикоз томирларининг кенгайишининг белгиси бўлиши мумкин. Агар кўзлар мунтазам равишда шишса, бу буйраклар ёки юракнинг нотўғри ишлашига боғлиқ, юздаги шиш — катта эҳтимоллик билан, қалқонсимон без функциясига тегишли. Юқоридаги барча ҳолатлар шифокорлар — эндокринолог, кардиолог ва терапевт билан маслаҳатлашишни талаб қилади.
Шиш пайдо бўлишининг асосий айбдорлари кўпинча овқатланиш ва суюқлик ичиш режимининг хусусиятларига таянади. Рационни ўзгартириш ва суюқликни ушлаб туриш билан курашишга ёрдам берадиган ичимликлар қўшиш орқали муаммони ҳал қилиш мумкин.
Ишқорли сув
Шишнинг асосий сабаби — рационда тузнинг ортиқча бўлиши, 1 грамм туз 100 мл сувни ушлаб туради. Шишни бартараф этишда ўртача кунига 10 стакан сув учун 4-5 грамм туз истеъмол қилиш мумкин. Агар суюқликни ушлаб туришга мойиллик бўлса, рационга кўпроқ ишқорли сув қўшиш тавсия этилади — pH қиймати 7,5-8 дан юқори. Уни оддий дўконлардан сотиб олиш мумкин. Шунингдек, оч қоринга илиқ ҳолда ичилгани маъқул.
Лимон шарбатили сув
Лимон нордон таъмга эга бўлишига қарамай, у ҳам ишқорий маҳсулотларга тегишли, чунки унинг таркибида саккиздан ортиқ органик кислоталар мавжуд. Бундай ичимлик нафақат ортиқча суюқликни, балки токсинларни ҳам чиқариб ташлашга ёрдам беради. Тайёрлаш учун 2 ош қошиқ лимон шарбати 250 мл илиқ сув билан аралаштирилади. Шиш йўқолгунча кунига бир марта ичиш тавсия этилади.
Петрушкали чой
Нафақат юзда, балки танада ҳам шишдан тезда халос бўлишга ёрдам берадиган ажойиб ичимлик. Чойни тайёрлаш учун 2 ош қошиқ қуруқ ёки янги петрушка бир стакан қайноқ сув билан аралаштирилади ва 10 дақиқага қолдирилади. Кейин сузиб ичилади. Бу чойни кунига уч мартагача ичиш мумкин.
Кўк чой
Кўпчиликка таниш бўлган кўк чой ажойиб диуретикдир. У ортиқча суюқликни аста-секинлик билан чиқариб ташлайди, шу билан бирга организмда керакли минералларни сақлаб қолади. Уни хоҳлаганча ва исталган миқдорда, салбий оқибатлардан қўрқмасдан ичиш мумкин.
Арпабодиён (укроп) уруғининг қайнатмаси
Арпабодиён уруғлари ортиқча натрий ва сувни йўқ қилишга ёрдам беради. Бундан ташқари, қайнатма метеоризмларга қарши курашади. Қайнатма тайёрлаш учун 1 ош қошиқ уруғни бир стакан иссиқ сув билан тўкиб ташлаб, у 5-10 дақиқага қолдирилади, сўнг сузиб олинади. Ичимликни кунига уч марта ичиш тавсия этилади.
Клюквали шарбат ёки морс
Нафақат резавор мевали ичимлик ёки шарбат, балки унинг баргларининг қайнатмаси ҳам ортиқча суюқликни йўқ қилади. Морсни шакарсиз тайёрлаш муҳим аҳамиятга эга — 1 грамм оддий углеводлар 4 грамм сувни сақлайди. Барглари ҳам оддий чой каби тайёрланади. Бундай ичимликлар ҳеч қандай контрендикацияга эга эмас ва ҳатто ҳомиладор аёллар ва болаларга ҳам буюрилади.
Сабзи шарбати
Сабзи ҳам ишқорий таъсирга эга. Унинг шарбати шишни мунтазам равишда бошдан кечирадиганлар рационига ажойиб қўшимча ҳисобланади. Уни асосий овқатлар орасида газак сифатида ичиш мумкин.
Сули ёрмаси кисели
Сули ёрмаси ҳам шиш билан яхши курашади. Унинг диуретик таъсири унда кремний мавжудлиги билан боғлиқ. Бундан ташқари, у ошқозон-ичак шиллиқ қаватининг ҳолатини яхшилайди. У крахмал ёки шакар қўшмасдан, сули ва суюқликни буғлаш орқали тайёрланади.
Қора қаҳва
Ортиқча суюқликни бартараф этиш учун жуда яхши. Аммо бир қатор ножўя таъсирга ҳам эга. Хусусан, у организмдан кальций ва калийни чиқариб ташлайди. Бундан ташқари, бу ичимликлар юрак-қон томир касалликлари ёки ошқозон-ичак касалликлари бўлган одамларнинг рационига мос келмайди.
Бодринг суви
Ушбу ичимлик кўплаб фитнес марказларида ҳам тавсия этилади. Бодринг таркибидаги кремний миқдори юқори бўлганлиги сабабли организмдан сувни чиқариб ташлайди. Бодринг суви метаболизм ва токсинларни йўқ қилишни рағбатлантиради, шунингдек, чанқоқни мукаммал даражада қондиради. Уни тайёрлаш учун 1 та ўрта катталикдаги тозаланган ва майда тўғралган бодринг 2 литр сув билан аралаштирилади. Ичимликни бир кечага музлаткичга қўйиб, кун давомида ичиш мумкин.
Изоҳ (0)