10-may kuni Katalin Novak Vengriya prezidenti vazifasini bajarishga kirishdi. U mamlakat tarixida ushbu lavozimni egallagan birinchi ayol bo‘ldi, deb yozmoqda “TASS”.
Vengriyaning avvalgi prezidenti, so‘nggi o‘n yil davomida davlat rahbari bo‘lib kelgan Yanosh Ader Vengriya prezidentlarining rasmiy qarorgohi – Shandora saroyining kalitlarini Katalin Novakka topshirdi. Bu qadimiy bino Budapeshtdagi Qal’a tepaligida joylashgan.
Katalin Eva Vereshne-Novak 1977-yilda tug‘ilgan, u iqtisod va huquq fanlari bo‘yicha diplomlar sohibasi. 2017—2021-yillarda u bosh vazir Viktor Orban boshchiligidagi Vengriyaning “Fides” siyosiy partiyasi raisi o‘rinbosari bo‘lgan.
2022-yil 10-martda Vengriya Milliy assambleyasi Katalin Novakni mamlakat prezidenti etib sayladi. Mamlakatning avvalgi rahbari Yanosh Ader ham “Fides” partiyasi vakili edi.
Mavzuga doir:
- Tanzaniya tarixida ilk bor ayol kishi prezidentlik lavozimini egalladi
- Shvetsiya hukumati rahbarligi Magdalena Anderssonga topshiriladi. U mamlakat tarixida bosh vazir lavozimini egallaydigan birinchi ayol
- Jen Psaki Oq uy matbuot kotibi lavozimidan ketmoqda. Uning o‘rnini ushbu lavozim tarixidagi ilk afroamerikalik ayol egallaydi
Izoh (0)