Европа Комиссияси санкциялардан бўйин товлашни Европа Иттифоқида (ЕИ) жиноят деб ҳисоблашни таклиф қилади, деб хабар бермоқда Politico манбаларга таяниб.
Еврокомиссия бу таклифни икки ҳафта ичида тақдим этишни режалаштирмоқда. Комиссиянинг фикрича, бу ЕИ аъзоларига Россияга қарши санкциялар остида музлатилган активларини мусодара қилишни осонлаштиришга ёрдам беради.
Маълум бўлишича, бу ташаббус шартноманинг давлатларга таъсир қилиши жиҳатидан Европарламент билан келишилган ҳолда илгари сурилган.
Активларни мусодара қилиш миллий қонунчилик даражасида ҳал қилиниши керак. Бу Европа Иттифоқи мамлакатларида фарқланади.
Еврокомиссия томонидан ишлаб чиқилаётган чора жараённи соддалаштиради. Шу билан бирга, у Европа Иттифоқининг барча аъзолари, шунингдек, Европарламент депутатларининг кўпчилиги томонидан бир овоздан маъқулланиши керак бўлади.
ЕИдаги санкциялар доирасида апрель ойи бошида Россиянинг қарийб 30 млрд евролик активлари мусодара қилинди.
Аввалроқ АҚШ яна бир россиялик миллиардерга тегишли 325 млн долларлик яхтани мусодара қилгани ҳақида хабар берилган эди.
Изоҳ (0)