Навоий шаҳар ҳокими Муҳиддин Бозоров 10 май кунида бошлаб эгаллаб турган лавозимидан озод этилди. Навоий вилояти ҳокими бу борадаги тегишли қарорни қабул қилган. Бозоров ўрнига Муратхан Эгамқулов Навоий шаҳар ҳокими лавозимига тайинланган.
Бунга қадар Муратхан Эгамқулов Конимех тумани ҳокими лавозимида фаолият юритган.
Шунингдек, Зарафшон шаҳар ҳокими Анвар Ражабов, Навбаҳор тумани ҳокими Лочин Облақулов ҳам эгаллаб турган лавозимидан озод этилган. Анвар Ражабов 2018 йилнинг майидан бери Зарафшон шаҳар ҳокими лавозимида ишлаб келаётганди.
Назирбек Раҳмонов Зарафшон шаҳар ҳокими этиб, Руслан Рўзиев эса Конимех тумани ҳокими лавозимига тайинланган.
Бунга қадар Руслан Рўзиев Навоий вилояти прокурори ўринбосари лавозимида фаолият юритган.
Азамат Ўроқов эса Навбаҳор тумани ҳокими лавозимига тайинланган.
Бунга қадар Азамат Ўроқов Навоий вилояти маҳалла ва нуронийларни қўллаб-қувватлаш бошқармаси бошлиғи лавозимида фаолият юритган.
Бундан олдин Тошкент шаҳар ҳокими собиқ ўринбосари Сардор Абдуллаев Uzbekistan Airports бошқарув раисига ўринбосар бўлгани, Тошкент шаҳар ҳокимига янги ўринбосар тайинлангани тўғрисида хабар берилганди.
Изоҳ (0)