Ижтимоий тармоқларда Самарқанд вилояти Каттақўрғон тумани «Элмурод Қурбонов» фермерлар уюшмаси «Киймадўз» қишлоғида мудҳиш қотиллик рўй бергани ҳақида хабарлар тарқалди. Вилоят прокуратураси ҳолат юзасидан маълумот берди.
Тарқалган хабарларда айтилишича, жабрланганлар участка нозирини воқеадан хабардор қилиб, уни ёрдамга чақирган, бироқ у ўз вақтида етиб келиб, келишмовчиликни бартараф этмаган. Таъкидланишича, икки ака-ука Хатирчи шифохонасига олиб кетилган, бири вафот этган ва яна бири оғир аҳволда.
Вилоят прокуратурасига кўра, қотиллик 8 май куни туманнинг «Найман» маҳалласи, «Қўймадуз» қишлоғида содир бўлган. Суд тиббий экспертининг маълумотномасида марҳум Ф.Қ.нинг танасида, яъни ўнг елка бўғими, ўнг тирсак бўғими, ўнг тизза бўғими соҳасида ҳамда кўкрак қафаси чап томонида шилинмалари, кўкрак қафаси орқа юзасида санчилиб кесилган яралари, кўкрак қафаси орқа юзаси плевра бўшлиғига тешиб ўтиб, иккала ўпкани жароҳатловчи санчилиб кесилган яралари бўлиб, марҳумнинг ўлими ички ва ташқи қон кетишдан келиб чиққани кўрсатилган.
Мазкур ҳолат юзасидан Каттақўрғон туман прокуратураси томонидан томонидан Жиноят кодексининг 97-моддаси (қасддан одам ўлдириш) 1-қисми билан жиноят иши қўзғатилиб, икки нафар фуқаролар гумонланувчи сифатида жалб қилиниб, дастлаки тергов ҳаракатлари туман прокуратураси томонидан олиб борилмоқда.
Аввалроқ Жиззахда 45 ёшли чўпон маст ҳолда икки шеригини пичоқлаб ўлдиргани, Сурхондарёда икки кишини ўлдирганликда гумонланган шахс «Домодедово» аэропортида қўлга олингани, Тошкентдаги «Малика» савдо мажмуасида сотувчини пичоқлаб ўлдирган йигит 10 йилга қамалгани тўғрисида хабар берилганди.
Изоҳ (0)