Қашқадарё вилояти марказидаги «Қарши» эркин иқтисодий зонасига тамал тоши қўйиш маросими бўлиб ўтди. Бу ҳақда «Дарё» мухбири Азизбек Абдувалиев хабар бермоқда.
Жами 120 гектар ерда режалаштирилган эркин иқтисодий зонанинг 12,7 гектарида наманганлик 30 нафар тадбиркор умумий қиймати 28 миллион долларлик ишлаб чиқариш лойиҳаларини амалга ошириши кўзда тутилган.
Наманган вилояти ҳокими Шавкат Абдураззақов ва Қашқадарё вилояти ҳокими Муроджон Азимов икки вилоят ўртасида ҳамкорлик янги босқичга кўтарилган кундан эсдалик сифатида махсус капсулани фундаментга жойлашди.
«Қарши» эркин иқтисодий зонасидаги илк лойиҳага ҳам тамал тоши қўйилди. Бу ерда наманганлик тадбиркорларга тегишли «ArtSoft Qarshi» МЧЖ томонидан умумий қиймати 3 миллион долларлик трикотаж маҳсулотлари ишлаб чиқариш корхонаси барпо этиладиган бўлди.
Изоҳ (0)