Qashqadaryo viloyati markazidagi “Qarshi” erkin iqtisodiy zonasiga tamal toshi qo‘yish marosimi bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda.
Jami 120 gektar yerda rejalashtirilgan erkin iqtisodiy zonaning 12,7 gektarida namanganlik 30 nafar tadbirkor umumiy qiymati 28 million dollarlik ishlab chiqarish loyihalarini amalga oshirishi ko‘zda tutilgan.
Namangan viloyati hokimi Shavkat Abdurazzaqov va Qashqadaryo viloyati hokimi Murodjon Azimov ikki viloyat o‘rtasida hamkorlik yangi bosqichga ko‘tarilgan kundan esdalik sifatida maxsus kapsulani fundamentga joylashdi.
“Qarshi” erkin iqtisodiy zonasidagi ilk loyihaga ham tamal toshi qo‘yildi. Bu yerda namanganlik tadbirkorlarga tegishli “ArtSoft Qarshi” MChJ tomonidan umumiy qiymati 3 million dollarlik trikotaj mahsulotlari ishlab chiqarish korxonasi barpo etiladigan bo‘ldi.
Izoh (0)