Франциянинг Елисей саройида қайта сайланган президент Эммануэль Макроннинг инаугурацияси бўлиб ўтди, деб ёзмоқда BFMTV телеканали.
Макрон яна беш йил давомида мамлакатни бошқариш учун расман лавозимига киришди. Маросим чоғида мамлакат Конституциявий кенгаши раҳбари Лоран Фабиус президентлик сайловларининг расмий натижаларини қайта эълон қилди.
Фабиус Макронни республика президенти этиб тайинлади, сўнг Франция раҳбари Фахрий легионнинг гроссмейстери деб эълон қилинди – шу тариқа унинг иккинчи муддати расман бошланди.
Эслатиб ўтамиз, 25 апрель куни Макрон мамлакатдаги президентлик сайловларида ғалаба қозонган, унинг рақиби Марин Ле Пен мағлубиятини тан олган эди. Франциянинг амалдаги раҳбари ғалабаси эълон қилинганидан кейин мамлакатда норозилик намойишлари бошланди. Боз устига, сайловчилар билан учрашувда Макронга помидор улоқтиришди.
Изоҳ (0)