Хитой технологик компаниялари АҚШ санкциялари ва етказиб берувчилар босими остида Россияда бизнес юритишдан аста-секин воз кечмоқда. Бу ҳақда The Wall Streyet Journal хабар берди.
Йирик компаниялар оммавий баёнотлар бермасдан Россияга етказиб бериш ҳажмини камайтирмоқда. Бундай компаниялар орасида Lenovo ва Xiaomi ҳам бор.
2022 йил март ойида Россияга технологик маҳсулотлар экспорти февраль ойига нисбатан кескин камайди: ноутбуклар етказиб бериш 40 фоиздан кўпроқ, смартфонлар учдан икки қисмга, телекоммуникация база станциялари 98 фоизга қисқарди.
Таъминотнинг қисқаришига Шанхайда коронавирус тарқалиши ва санкциялар таҳдиди сабабли блокировка таъсир кўрсатди.
Хитой компанияларига ўз маҳсулотларини етказиб берувчи АҚШ чип ишлаб чиқарувчилари ўз мижозларига босим ўтказмоқда — улар Америка технологиясини Россияга Хитой товарларида олиб киришга қарши.
Аввалроқ Хитой ҳукумати хорижий активларини АҚШ санкцияларидан ҳимоялаш йўлларини муҳокама қилгани ҳақида хабар берилган эди.
Изоҳ (0)