Венгрия бош вазири Виктор Орбан Европа Иттифоқининг Россия нефтини тақиқлаш бўйича сўнгги таклифини рад этиб, бу унинг мамлакати иқтисодиётига ядро бомбаси отилиши билан баробар эканини айтди. Бу ҳақда Bloomberg хабар берди.
Орбан Венгрия Россия нефтига Европа Иттифоқи томонидан қўйилган тақиқни бажариши учун ҳозирда кўриб чиқилаётган бир йиллик кечиктириш ўрнига беш йиллик имтиёз берилишини исташини айтди.
Шунингдек, у Венгрияни Россия нефтидан ажратиш миллиардлаб доллар сармоя талаб қилишини, уни тўлаш учун мамлакатни Европа Иттифоқининг пандемия фондидаги улушига киритишни сўради.
Европа Иттифоқи ижроия органи Венгриянинг пандемияга қарши курашдаги 7,2 млрд евролик улушга киришига қаршилик билдирган.
Орбан, шунингдек, диний арбобларга, жумладан, Россия патриархи Кириллга нисбатан санкцияларни қўллаб-қувватламаслигини таъкидлади.
Шу билан бирга, Венгрия раҳбарининг айтишича, унинг якуний мақсади ЕИ санкцияларига вето қўйиш эмас, балки давлат манфаатларини инобатга олган ҳолда конструктив ҳамкорликка эга бўлишдир.
Аввалроқ рус хом ашёсини тезда тўхтатишга қарши бўлган Венгрия ва Словакияга санкцияларни қўллаш учун 2023 йил охиригача рухсат берилиши ҳақида хабар берилган эди.
Изоҳ (0)