Бугун,

  • USD 11095.31
  • RUB 173.84
  • EUR 10772.44

Қўшма Штатлар россиялик миллиардер Сулаймон Керимовга тегишли бўлган 325 млн долларлик Amadea мегаяхтасини АҚШ қонунларини бузганлик, жумладан пул ювиш ва фитна учун мусодара қилди. Бу ҳақда Bloomberg хабар бермоқда. 

Фото: Bloomberg

Фото: Bloomberg

Фиджи Олий суди 3 май куни АҚШ ва маҳаллий ҳокимият органлари томонидан ҳашаматли кемани мусодара қилиш тўғрисидаги буйруқни қабул қилди. 

6 май куни суд мусодара қилиш тўғрисидаги қарорни вақтинча тўхтатиб туриш ҳақидаги аризани рад этди. Яхта маҳаллий вақт билан пайшанба куни АҚШ ҳукуматига топширилди.

Керимов ва унинг номидан иш олиб борган шахслар Америка молия институтлари орқали Amadea яхтасини қўллаб-қувватлаш мақсадида доллардаги операцияларни ўз манфаати учун йўналтирган – санкция тўғрисидаги қонунларни бузган. Пул ювиш ва фитна бузилиши ана шу операциялар булар жумласидандир.

Бу яхтанинг мусодара қилиниши ҳар бир коррупцион россиялик олигархга, ҳатто дунёнинг энг чекка қисмида бўлса ҳам мулкларини яшира олмаслигини билдириши керак. Биз Россиянинг Украинадаги асоссиз урушга жавобан жорий этилган санкцияларни амалга ошириш учун барча воситалардан фойдаланамиз, — деди АҚШ бош прокурори ўринбосари Лиза Монако. 
АҚШ Владимир Путинга алоқадор юзлаб олигархлар ва Россиянинг энг бадавлат фуқароларини Украинадаги урушни қўллаб-қувватлаганликлари учун жазолаш мақсадида бир неча марта санкциялар киритди. 

Ғарб ҳукуматлари уларнинг активларини, жумладан, самолёт ва виллаларини, ўндан ортиқ мегаяхталарини мусодара қилди. 

Amadea яхтасини мусодара қилиш жараёни осон кечмайди ва бу кўп миллион долларлик активлар кимга тегишли эканлигини исботлаш учун қонуний курашларга олиб келади, — дейди Bloomberg.

Керимовга Буюк Британия ва Европа Иттифоқи томонидан 15 март куни санкция қўйилган эди. АҚШ уни 2018 йилда Россия ҳукумати амалдори бўлгани учун санкциялар рўйхатига киритган. 

Bloomberg Billionaires Index маълумотларига кўра, Керимовнинг бойлиги 15,9 млрд долларга яқин. Унинг оиласи Россиядаги энг йирик олтин ишлаб чиқарувчи Полюснинг 46 фоиз улушига эга.

Суд жараёнида кеманинг рўйхатдан ўтган эгасининг адвокати Мillemarin Investments Керимовга тегишли эмаслигини айтди. Адвокат Фейзал Ҳанифф бунга изоҳ беришдан бош тортган. 

Унинг сўзларга кўра Amadea кемаси Россия давлати назоратидаги нефть-газ компанияси «Роснефть Оил»нинг собиқ раиси ва бош ижрочи директори Эдуард Худаинатовга тегишли. Худайнатов санкциялар рўйхатида эмас.

Аввалроқ Алишер Усмоновнинг «Дилбар» яхтаси экипаж ходимларисиз қолгани ҳақида хабар берилган эди.

Изоҳ
Асосий янгиликлар
Спорт
Искандаров — энг яхши футболчи, Кападзе — энг яхши мураббий. Ўзбек футболида 2022 йилнинг энг яхшилари аниқланган маросимдан фоторепортаж
Маданият
Фарзандидан айрилган, 3 соат ухлаган, ҳожатхонада фаррошлик қилган: муваффақиятга эришиш йўлида турли қийинчиликлардан ўтган юлдузлар (фото)
Маҳаллий
«Сирдарёда бир сўм ҳам ўғирланмайдиган, коррупциясиз тизим яратилиши керак» — Сардор Умурзоқов