Финляндиядаги «Яндекс» ўз номини ўзгартирди ва расмийлар назорати остида. Бу ҳақда «Коммерсантъ» хабар бермоқда.
Финляндия парламентининг ташқи ишлар қўмитаси раиси Жусси Ҳалла-ахо «Яндекс»нинг ахборот ва янгиликларни тарқатишдаги ҳаракатлари қандай қонун бузилиши эканлигини аниқлашга чақирди.
«Яндекс» маълумотлар маркази Финляндиянинг Манцала шаҳрида 2015 йилдан бери ишлайди. Аввалроқ маълумотлар маркази электр энергиясидан узилгани ҳақида хабар қилинганди.
Финляндиянинг Манцала шаҳрида жойлашган «Яндекс» маълумотлар маркази асосий қувват манбаидан узилиб, дизель генераторига ўтказилганди. Компанияга яқин манбанинг сўзларига кўра, узилиш 25 апрель куни содир бўлган, бироқ сабаблари айтилмаган.
Шу сабабдан «Яндекс» вақтинчалик ўз генераторларидан фойдаланган. Финляндиядаги маълумотлар маркази ўз фаолиятини давом эттирмоқда ва компания энергия етказиб берувчи билан шартномани қайта кўриб чиқиш жараёнида.
Компаниянинг Финляндиядаги янги номи ҳозирча маълум қилинмаган.
Аввалроқ «Яндекс» Ўзбекистон ва бошқа мамлакатлардаги бизнесига сармоя киритишни тўхтатгани ҳақида хабар берилган эди.
Изоҳ (0)