«Ўзбекистон бўйлаб саёҳат қил!» дастури доирасида ички туризмни ривожлантириш учун масъул ташкилотлар белгиланди. Бу ҳақда Туризм ва маданий мерос вазирлиги хабар қилди.
Қайд этилишича, қуйидагиларга туризм йўналишлари бўйича масъул ташкилот ваколатлари берилган:
- Ёшлар ишлари агентлиги, Олий ва ўрта махсус таълим вазирлиги, Халқ таълими вазирлиги — ёшлар, айниқса, таълим муассасалари ўқувчи-талабалари учун туризмнинг тарихий билим берувчи, маданий-кўнгилочар, экстремал, экологик, этно ва пляж туризми турлари бўйича;
- Ўзбекистон касаба уюшмалари федерацияси ҳамда Маҳалла ва нуронийларни қўллаб-қувватлаш вазирлиги — меҳнат, маҳаллалар жамоалари учун туризмнинг ишбилармонлик, экстремал, экологик, агро, этно, гастрономик турлари бўйича;
- Оила ва хотин-қизлар давлат қўмитаси, Тиббий-ижтимоий хизматларни ривожлантириш агентлиги — хотин-қизлар учун туризмнинг зиёрат, маърифий, ижтимоий, маданий-кўнгилочар, экологик, этнотуризм турлари бўйича;
- Маҳалла ва нуронийларни қўллаб-қувватлаш вазирлиги ва «Нуроний» жамғармаси — фахрийлар, нуронийлар ва пенсионерлар учун зиёрат, тиббиёт, соғломлаштириш туризми.
Қарор билан «Ўзбекистон бўйлаб саёҳат қил!» дастури доирасида ички туризмни ривожлантиришни мувофиқлаштириб бориш учун масъул этиб Туризм ва маданий мерос вазирлиги ҳамда Қорақалпоғистон Вазирлар Кенгаши, вилоятлар ва Тошкент шаҳар ҳокимликлари белгиланган.
Мавзуга доир:
- Ўзбекистонда жамоа шартномаларига ходимлар учун йилига бир маротаба маҳаллий саёҳатга чиқиш қоидаси киритилади
- Ўзбекистонда туризм магистрали бўйлаб 31 та шаҳар ва туманларда карвонсаройлар қурилади
- Ўзбекистондаги ҳар бир вилоятда туристлар учун жозибадор бўлган камида 20 миллион долларлик 1 тадан йирик лойиҳа бошланади
Изоҳ (0)