Anjelina Joli Lvovga keldi. Mariupolning sun’iy yo‘ldoshdan olingan tasvirlari chop etildi. Urushning 66-kunidan fotoreportaj
30-aprel, urushning oltmish oltinchi kunida Rossiyaning “TASS” va “RIA Novosti” davlat axborot agentliklari Rossiya armiyasi tomonidan qamal qilinayotgan Mariupoldagi “Azovstal” zavodi hududini 25 nafar tinch aholi vakillari tark etgani haqida xabar berdi. “Azovstal”da mudofaani ushlab turgan “Azov” polkining ma’lum qilishicha, u yerdan yana 20 nafar tinch aholi evakuatsiya qilingan. Shu kuni Vladimir Putin DXR, LXR va “Ukrainaning ozod qilingan hududlarida” yashovchi Ikkinchi jahon urushi faxriylariga 10 ming rubldan bir martalik mukofot to‘lash to‘g‘risidagi farmonni imzoladi. Kiyev viloyati politsiyasi Bucha yaqinida yangi qabrlar haqida xabar berdi. OAV Rim papasi Fransisk Vladimir Putindan Mariupoldagi tinch aholini evakuatsiya qilish uchun gumanitar yo‘lak tashkil qilishni uch marta so‘ragani haqida xabar qildi. Uch safar ham bu rad etilgan. Meduza 30-aprelga oid urush suratlarini jamladi.
Donbass shimoli
Ukraina askarlari Kramatorsk yaqinidagi frontda ikki oylik janglardan so‘ng dam olish joyiga yo‘l oldi.Foto: AFP
Dam olish joyiga ketayotgan ukrainalik askar.Foto: AFP
Ukraina askari tashlandiq binoda dam olish vaqtida.Foto: AFP
Ukrainalik harbiylar ikki oylik janglardan so‘ng dam olishga kelgan tashlandiq uyda uxlash uchun yotoq tayyorlamoqda.Foto: AFP
Lvov
Ko‘ngillilar Hududiy mudofaa qo‘shinlari obyektida mashg‘ulotlarning birinchi — o‘qotar qurollarsiz bosqichini o‘tamoqda.Foto: Getty Images
Aktrisa Anjelina Joli Lvovdagi ukrainalik bolalar bilan, u bu yerga BMTning qochqinlar masalalari bo‘yicha elchisi maqomida kelgan.Foto: EPA
Zaparojye
Zaporojye aholisi gumanitar yordam olmoqda. Urush boshidan buyon Zaporojyega Ukraina janubidagi Rossiya armiyasi tomonidan bosib olingan hududlardan minglab odamlar qochib kelgan.Foto: EPA
Xarkov
Xarkov yaqinidagi qishloqda mahalliy aholi vakili jasadi. Bu qishloq yaqinda Ukraina armiyasi tomonidan ozod etilgan, ammo rossiyaliklar uni bombardimon qilishda davom etmoqda.Foto: AP Photo
Rossiyaning bombardimonlari paytida bomba boshpanasi sifatida foydalanilgan yerto‘laga kirish. Xarkov yaqinidagi bu qishloq yaqinda Ukraina qurolli kuchlari tomonidan qaytarib olindi.Foto: AP Photo
Chernigov
Chernigov chetida yashovchi mahalliy aholi vakili Rossiya bosqini vaqtida o‘qqa uchragan binoda.Foto: Reuters
Chernigovlik 77 yashar ayol. Hozir u shahar chetidagi ko‘ngillilar markazida yashaydi va hujumga uchragan uyidan omon qolgan narsalarni olish uchun har kuni velosipedda uyiga borib keladi.Foto: Reuters
Mariupol
Maxar Technologies kompaniyasining sun’iy yo‘ldoshdan olingan fotosuratlari
“Azovstal” metallurgiya zavodi hududining yuqoridan ko‘rinishi, zavod ostidagi bombapanalarda yuzlab tinch aholi vakillari yashiringan, hudud ukrain harbiylarining kichik guruhi tomonidan mudofaa qilinmoqda.Foto: Maxar Technologies
Gumanitar yordam uchun navbat.Foto: Maxar Technologies
Mariupol yaqinidagi Vinogradnoye qishlog‘idagi qabriston, uning atrofida o‘ziyurar artilleriya tizimlari o‘rnatilgan.Foto: Maxar Technologies
Izoh (0)