Италия терма жамоаси бош мураббийи Роберто Манчини фаолиятини Англия Премьер Лигасида давом эттириши мумкин.
Daily Mail нашрининг хабар беришича, италиялик мутахассис «Тоттенҳэм» жамоасининг қизиқишлар доирасига тушиб қолган. Манчинидан ташқари «Брайтон» бош мураббийи Грем Поттер ҳам номзодлар қаторидан жой олган.
Аввалроқ, «шпорлар» устози Антонио Конте «ПСЖ»да Маурисио Почеттинонинг ўрнини эгаллаши мумкинлиги хабар қилинганди.
Эслатиб ўтамиз, Манчини Англия чемпионатида аввал ҳам фаолият олиб борган. 57 ёшли мураббий 2009 йилдан 2013 йилга қадар «Манчестер Сити»ни бошқарган.
«Тоттенҳэм» ҳозирда Премьер Лигада 58 очко жамғарган ҳолда 5-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)