УЕФА Россия терма жамоаси ва клубларининг мақоми, шунингдек, уларнинг ташкилот тасарруфидаги мусобақаларида иштирок этиш масаласини кўриб чиқишни режалаштирмоқда. Бу борада қарор келаси ҳафта қабул қилинади.
Кейинги мавсум учун тақвим тузишга шошилаётгани сабабли УЕФА Россия жамоалари борасида қарорни тезроқ қабул қилмоқчи.
Айни дамда иккита вариант кўриб чиқилмоқда: бир мавсумга четлатиш ёки аввалроқ қабул қилинган «кейинги огоҳлантиришгача» муддатини узайтириш. Бу эса Россия шарафини ҳимоя қиладиган клублар кейинги мавсумда Еврокубокларда иштирок эта олмаслигини, барча ёш тоифадаги терма жамоалар эса УЕФА тасарруфидаги мусобақаларни тарк этишини англатади.
Эслатиб ўтамиз, 28 февраль куни ФИФА ва УЕФА Украинадаги вазият туфайли Россия терма жамоалари ва Россия клубларини барча халқаро мусобақаларда иштирок этишдан четлатди. Россия терма жамоаси эса халқаро мусобақалардан четлатилгани муносабати билан унинг ўрнига Польша ЖЧ—2022 саралаши плей-оффининг финалида ўйнаши хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)