Ҳар қандай образга мос келувчи 5 хил сумка модели

Мукаммал сумка моделини топиш масъулиятли вазифадир: чунки энг яхшиси ҳеч қачон урфдан қолмайди ва кўп йиллар давомида содиқлик билан хизмат қилади. Marie Claire нашри ҳар қандай образга мос келадиган энг ажойиб дизайндаги сумкаларнинг бешталиги билан бўлишди.

Хобо

Хобо сумкасининг ўзига хос хусусияти унинг дизайнидадир. Сумканинг маълум қатъий шакли йўқлиги ушбу моделни қўлтиқ остига қулай тарзда олиб юришга имкон беради, тутқич эса елкага ташланади. Пастки қисми сиқилган бўлиши мумкин. Унинг ўлчамлари кичик вариантлардан тортиб катта ўлчамли моделларгача. Тақиш қулай, кенг, очиш ва ёпиш осон бўлган хобо сумкасининг афзалликлари шу билан тугамайди. Унинг асосий афзаллиги — кўп қиррали. Ушбу аксессуар тасодифий кўринишга, классик шим ёки трикотаж костюмга ва ҳатто гулли босма либосга ажойиб қўшимча бўлади.

Крос-бодй

Тўртбурчак, ярим доира ёки квадрат шаклдаги ўрта ўлчамдаги сумка — бу энг кўп фойдаланиладиган сумка модели. Узун тасма ёки занжир уни елкада олиб юриш имконини беради. Бундан ташқари, сумканинг ўзидан ўтган диагонал занжир силуэтни визуал равишда узайтиради. Қолаверса, сумкага тутқич жойлаштирилиши мумкин, бу эса ушбу моделни қўлда олиб юриш имконини беради. Энг асосийси мутлақо ҳамма нарса билан бирлаштириш осон. Бу кундалик ёки кечки образ бўладими ҳар қандай образни осонгина тўлдиради.

Тоут

Классик версиядаги тоут иккита тутқичли катта тўртбурчак сумка. Дастлаб, ушбу моделда қўшимча чўнтакларсиз битта жой мавжуд эди. Йиллар давомида сумка бир қатор ўзгаришларга дуч келди: янги шакллар, тугмалар, магнитлар, қўшимча чўнтаклар пайдо бўлди. Биз абадий классикага эътибор беришни таклиф қиламиз. Ушбу сумка офис, классик ва кундалик услуб тарафдорлари учун айни муддао.

Багет

Багет — бу камар ёки занжир кўринишидаги қисқа тутқичли чўзилган тўртбурчак сумка. Бу ишбилармон, ижтимоий тадбирларни яхши кўрадиган ёки умумий спорт услубида кўринишни афзал кўрганлар шкафига жуда мос келади. Бундай сумкага осонгина смартфон, ҳамён, калитлар, нам салфеткалар, атир, антисептик, ниқоб — умуман, замонавий аёлга керак бўлган ҳамма нарса солиш мумкин.

Сетчел

Ушбу модель портфелнинг бизнес услубига тегишли бўлишига қарамай, ҳамма нарса билан бирлаштирилиши мумкин, акс ҳолда кўп қиррали сумкалар рўйхатида бўлмас эди. Асосий фарқ шундаки, сумканинг юқори қисми алоҳида ёпилади ва иккита параллел тасма билан маҳкамланади. Ушбу модель қаттиқ тўртбурчак шаклга эга, узун тасма ва қўлда олиб юриш учун қисқа тутқичга ҳам эга.