Virjiniya shtatida yashovchi Andrea Dias Gollivud yulduzlari Jonni Depp va Ember Xyordning ishi ko‘rib chiqilayotgan sud binosiga ikkita alpakani yetaklab keldi, deb xabar beradi The Washington Post.
Pandemiya davrida Diaz Dolche va Inti laqabli alpakalarini tarbiyalanuvchilarning kayfiyatini ko‘tarish maqsadida bolalar muassasalariga olib borib yurgan. Bu safar esa u Jonni Deppni qo‘llab-quvvatlashga qaror qilgan. Hayvonlardan birining bo‘yniga “Jonni uchun adolat” yozuvi tushirilgan peshlavha ilingan.
Afsuski, aktyor sud binosiga xizmat eshigi orqali kirgani sabab alpakalarni ko‘rmagan. Diaz bundan bo‘lishini taxmin qilgan, shunday bo‘lsa-da, omadini sinab ko‘rishdan qaytmagan.
Avvalroq Disney kompaniyasi Deppni Xyord bilan mojarosi sabab “Karib dengizi qaroqchilari”ning yangi qismidan chetlashtirgan edi. Ayol sobiq erini oiladagi zo‘ravonlikda ayblagan. Jonni Depp sobiq rafiqasi bilan sud jarayonida 300 million dollar va millionta alpaka uchun ham “Karib dengizi qaroqchilari”dagi Jek Chittak roliga qaytmasligini ma’lum qilgandi.
Izoh (0)