Рақсга тушаётган ганалик тобуткашлар иштирокидаги Coffin dancers («Тобуткаш раққослар») меми NFT аукционида 327 ethereum криптовалюта бирлиги (тахминан 1 миллион доллар)га сотилди, деб ёзади «Daily.afisha.ru».
Тобуткаш раққосларнинг ўзи ва Украинанинг Бадс реклама агентлиги аукцион ташкилотчилари ҳисобланади. Йиғилган маблағнинг тўртдан бир қисми Украина хайрия жамғармасига ўтказилади, худди шу миқдор агентликка ҳам ўтади. Маблағнинг ярмини видео иштирокчилари олади.
Рақсга тушаётган тобуткашлар видеоси 2020 йилда коронавирус пандемияси бошланганидан сўнг тарқалди. Know Your Meme нашрига кўра, видео биринчи марта 2015 йилда тармоққа жойлаштирилган ва 2020 йилда у Coffin dance («Тобут рақси») номи билан машҳур бўлган.
Ҳозирда YouTube’да дафн маросими акс этган видео 392 миллион марта кўрилган. Мусиқани эса россиялик мусиқачи Tony Igy ёзган.
Мавзуга доир:
- Рақсга тушаётган қора танли тобуткашлар ҳақидаги мем жуда машҳур бўлиб кетди. Энди улар билборд, компьютер ўйинлари ва ҳатто Lego’да ҳам бор (видео)
- «Хаёлим аёллар ва болаларда». Голливуд юлдузи Пенелопа Крус украиналикларни кўзда ёш билан қўллаб-қувватлади
- «Миллионлаб одамлар хавф остида». Голливуд актрисаси Кейт Бланшетт Украинадаги уруш ҳақида видеомурожаат йўллади
- Голливуд юлдузлари Райан Рейнолдс ва Блейк Лайвли украиналик қочоқлар учун миллион доллар хайрия қилди
Изоҳ (0)