Футбол бўйича Европа Чемпионлар Лигасининг ярим финал ўйини доирасида «Ливерпуль» ва «Вильярреал» 27 апрель, чоршанба куни ўзаро баҳс юритди.
Учрашувнинг биринчи бўлимида дарвозалар дахлсизлиги сақланиб қолди. Иккинчи бўлимни мерсисайдликлар ҳужумкор руҳда бошлади. 53-дақиқада Жордан Ҳендерсон тепган тўп Парвиз Эступиньяннинг оёғига тегиб, йўналишини ўзгартирди ва дарвозадан жой олди. Орадан 2 дақиқа ўтиб, Муҳаммад Салоҳнинг тўп узатишидан сўнг Садио Мане учрашувдаги иккинчи голни урди.
Шу тариқа Юрген Клопп шогирдлари дастлабки учрашувда ишончли ғалабага эришди. Жамоалар ўртасидаги жавоб беллашуви 3 май куни бўлиб ўтади. Иккинчи ярим финал ўйинида «Манчестер Сити» ўз майдонида «Реал» устидан 4:3 ҳисобида ғалаба қозонди.
ЕЧЛ
1/2 финал, дастлабки баҳс
27 апрель, чоршанба
«Ливерпуль» Англия – «Вильярреал» Испания 2:0
Голлар: 1:0 – 53 Эступиньян (автогол), 2:0 – 55 Мане.«Ливерпуль»: Алиссон, Александер-Арнольд (Гомес, 81), ван Дейк, Конате, Робертсон, Ҳендерсон (Кейта, 72), Тиаго Алькантара, Фабиньо, Салоҳ, Мане (Диогу Жота, 73), Диас (Ориги, 81).
«Вильярреал»: Рули, Фойт, Альбиоль, Пау Торрес, Эступиньян (Тригерос, 72), Ло Чельсо, Коклен (Педраса, 57), Капу, Парехо (Орье, 72), Данжума (Пако Алькасер, 86), Чуквуэзе (Диа, 72).
Огоҳлантиришлар: ван Дейк (32), Эступиньян (47), Ло Чельсо (62).
Изоҳ (0)