Кўплаб инсайдерларнинг маълумотларига кўра, 2022 йилнинг кузида тақдим этилиши кутилаётган iPhone 14 фавқулодда ҳолатлар учун сунъий йўлдош алоқа тизимига эга бўлади. Шунингдек, маълум бир рақамларга SMS-хабар юбориши ҳам мумкин. Бундай технология мобил алоқа тизими йўқ дунёнинг исталган жойида ишлай олади. Бироқ бунда оддий қўнғироқлар ва маълумотларни узатиш режими кўзда тутилмаган, деб хабар беради Hi-Tech.Mail.ru.
Bloomberg мухбири Марк Гурманнинг ёзишича, янги Apple Watch соатлари ҳам сунъий йўлдош алоқа тизимига эга бўлади. Янгилик 2022—2023 йилда тақдим этиладиган «ақлли» соатларга ўрнатилиши кутилмоқда.
Сунъий йўлдош алоқа тизими Garmin inReach Explorer ва SPOT каби портатив сунъий йўлдош коммуникаторларининг муқобилига айланади.
Шу йилнинг февраль ойида «купертиналиклар» Globalstar компанияси билан 17 та сунъий йўлдошни харид қилиш бўйича битим имзолаган. Компания «потенциал мижоз» учун яхши алоқа хизматини тақдим этишга ваъда берган.
2022 йилда Apple «ақлли» соатларининг уч хил версиясини тақдим этиши мумкин: Apple Watch Series 8, янги авлод Apple Watch SЕ, шунингдек, спортчилар ва саёҳатчилар учун гаджетнинг ҳимояланган версияси.
Аввалроқ Минг-Чи Куо исмли таниқли инсайдер 2022 йилда тақдим этиладиган iPhone’нинг селфи-камераси автофокусга эга бўлиши мумкинлигини маълум қилганди.
Изоҳ (0)