Андижон вилояти Шаҳрихон туманида 27 апрель куни Spark ва Labо автомобиллари ўртасида тўқнашув содир бўлди. Бу ҳақда Йўл ҳаракати хавфсизлиги хизмати хабар қилди.
Қайд этилишича, йўл-транспорт ҳодисаси шу куни соат 13:10 ларда Шаҳрихон тумани «Қозиқўрғон» маҳалласи ҳудудидан ўтувчи А-373 автомобиль йўлининг 409-километрида юз берган. Ҳайдовчи А.А. (1991 йилда туғилган) бошқарувидаги Labо ҳамда ҳайдовчи Ў.У. (1988 йилда туғилган) бошқарувидаги Spark автомобиллари иштирокида тўқнашув содир бўлган ва Лабо автомобили ағдарилган.
ЙТҲ оқибатида ҳайдовчи А.А. тан жароҳати билан шифохонага ётқизилган.
Ҳолат юзасидан суриштирув ҳаракатлари олиб борилмоқда.
Изоҳ (0)