Ижтимоий тармоқларда «Арнасой» ёзуви туширилган тез тиббий ёрдам автомашинаси ёнида бемор замбилдан беихтиёр ерга йиқитиб юборилгани акс этган видеолавҳа тарқалди. Соғлиқни сақлаш вазирлиги ҳолатга муносабат билдирди.
Аниқланишича, 23—24 апрель кунлари Жиззах вилояти Арнасой туманида уюшмаган ёшлар ўртасида «Қувноқлар ва зукколар» республика кўрик-танлови ўтказилган. Ушбу видеоролик туман маданият маркази режиссёри Б.Айюбов томонидан ҳудуддаги «Ғафур Ғулом», «Ғолиблар», «Бобур» ва «Олтин водий» маҳалла фуқаролар йиғинлари ёшларидан иборат «Шоввозлар» терма жамоаси учун махсус суратга олинган.
Шундан сўнг бу лавҳа мазкур жамоа аъзоларининг ижтимоий тармоқлардаги шахсий саҳифаларига «Қувноқлар ва зукколар учун махсус» таг сўзи остида жойланган. Аммо кейинчалик айрим блогерлар томонидан нотўғри талқин қилинган ҳолда интернет тармоқларига тарқатиб юборилган.
«Видеолавҳада акс этган нохуш ҳолатга мамлакатимиз тез тиббий ёрдам тизими, хусусан, Арнасой туман тиббиёт бирлашмаси тез тиббий ёрдам бригадаси ходимларининг мутлақо алоқаси йўқ.
Шу боис вазирлик фуқаролардан ижтимоий тармоқларда тиббиёт ходимлари обрўсига путур етказадиган бу каби асоссиз ахборот ва видеолавҳаларни тарқатмасликларини сўраб қолади», — дейилади хабарда.
Мавзуга доир:
- «Белгиланган меъёрларда кийиниш қатъий белгилаб қўйилган». ССВ тиббиёт муассасаларида ҳижобга рухсат берилгани ҳақидаги хабарларга муносабат билдирди
- ССВ Тошкентда ҳамшираларнинг Қизил ярим ой жамиятига «ўз хоҳиши билан» пул ўтказаётгани айтилган хабарга муносабат билдирди
- ССВнинг сохта веб-сайти яратилди. Унда вакцина олган фуқароларга 750 минг сўм берилиши айтилади
Изоҳ (0)