Ўзбекистон Туризм ва маданий мерос вазирига уч нафар ўринбосар тайинланди, деб хабар беради ЎзА.
Хусусан, Бахтиёр Ибрагимов туризм ва маданий мерос вазирининг халқаро туризмни ривожлантириш, ички ва зиёрат туризми масалалари бўйича ўринбосари лавозимига тайинланган. Тайинловга қадар у Ташқи ишлар вазирлигида департамент директори лавозимида фаолият юритган.
Нусратилла Зикриллаев эса туризм ва маданий мерос вазирининг инвестициялар, туризм кластерлари ва лицензиялаш масалалари бўйича ўринбосари лавозимига тайинланган. Бунга қадар Президент Администрацияси масъул ходими вазифасида ишлаган.
Бунга қадар у Бухоро вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари лавозимида фаолият юритган Ботиржон Шаҳриёров туризм ва маданий мерос вазирининг оммавий тадбирлар ва маданий мерос масалалари бўйича ўринбосари лавозимига тайинланган.
Маълумот учун, 18 февраль куни Туризм ва спорт вазирлиги иккита алоҳида, Туризм ва маданий мерос ҳамда Спортни ривожлантириш вазирликларига бўлинган эди. Туризм ва маданий мерос вазири сифатида Азиз Абдуҳакимов тайинланганди.
Изоҳ (0)