O‘zbekiston Turizm va madaniy meros vaziriga uch nafar o‘rinbosar tayinlandi, deb xabar beradi O‘zA.
Xususan, Baxtiyor Ibragimov turizm va madaniy meros vazirining xalqaro turizmni rivojlantirish, ichki va ziyorat turizmi masalalari bo‘yicha o‘rinbosari lavozimiga tayinlangan. Tayinlovga qadar u Tashqi ishlar vazirligida departament direktori lavozimida faoliyat yuritgan.
Nusratilla Zikrillayev esa turizm va madaniy meros vazirining investitsiyalar, turizm klasterlari va litsenziyalash masalalari bo‘yicha o‘rinbosari lavozimiga tayinlangan. Bunga qadar Prezident Administratsiyasi mas’ul xodimi vazifasida ishlagan.
Bunga qadar u Buxoro viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari lavozimida faoliyat yuritgan Botirjon Shahriyorov turizm va madaniy meros vazirining ommaviy tadbirlar va madaniy meros masalalari bo‘yicha o‘rinbosari lavozimiga tayinlangan.
Ma’lumot uchun, 18-fevral kuni Turizm va sport vazirligi ikkita alohida, Turizm va madaniy meros hamda Sportni rivojlantirish vazirliklariga bo‘lingan edi. Turizm va madaniy meros vaziri sifatida Aziz Abduhakimov tayinlangandi.
Izoh (0)