Ўзбекистонда ҳайдовчиларга ўз автомобилларига турли ёзувлар, қўлбола стикер ва белгиларни осиш тақиқланди. Бу ҳақда 1 майдан кучга кирадиган янги Йўл ҳаракати қоидаларида кўзда тутилган.
Йўл ҳаракати қоидаларининг 176-банди янги хатбоши билан тўлдирилган бўлиб, унга кўра таниқлик белгилардан бошқа таниқлик белгиларини ўрнатиш, шунингдек, транспорт воситасининг кузови ва ойналарига турли хил ёзувлар киритиш тақиқланади, транспорт воситасининг кузовига реклама мақсадларида белгиланган тартибда ёзувлар киритиш бундан мустасно.
Шунингдек, ушбу бандда транспорт воситаларига ўрнатиладиган таниқлик белгилари келтириб ўтилган: «автопоезд», «турумланган» (тишли, шипли), «болалар гуруҳини ташиш», «кар ҳайдовчи», «бошқаришни ўргатиш учун мўлжалланган механик транспорт воситаси», «тезлик чекланган», «хавфли юк», «катта ўлчамли юк», «узун ўлчамли транспорт воситаси», «авария сабабли тўхташ», «шифокор», «ногиронлиги бўлган шахс», «ҳайдовчиликни энди бошлаган».
Рухсат этилмаган таниқлик белгисидан фойдаланганлик учун қанча жарима қўлланиши номаълум.
Аввалроқ Ўзбекистонда янги таҳрирдаги Йўл ҳаракати қоидалари тасдиқлангани тўғрисида хабар берилганди. Унга кўра, автомобиль олд ўриндиғида ўтириб хавфсизлик камарини тақмаган йўловчи жаримага тортилиши мумкин, ЙПХ ходимидан дислокацияни сўраш талаби бекор қилинган.
Изоҳ (0)