Uzbekistan Airways фуқароларга қўшимча қулайлик яратиш мақсадида ҳамда Рамазон ҳайити кунларида авиачипталарга талабнинг юқорилиги муносабати билан қўшимча авиақатновлар жорий этди. Бу ҳақда авиакомпания ахборот хизмати хабар қилди.
Қайд этилишича, 1 майдан 5 майгача Тошкент шаҳридан Бухоро, Урганч, Фарғона ва Наманганга рейслар амалга оширилади.
Эслатиб ўтамиз, Uzbekistan Airways Рамазон ҳайити байрами муносабати билан республика ичидаги барча авиақатновлар чипталарига чегирмалар эълон қилган. Чегирмалар 2 майдан 4 майгача амалга ошириладиган маҳаллий авиақатновларнинг барча тарифларига 50 фоизни ташкил этади.
Изоҳ (0)