Дунё давлатлари 2021 йилда ҳарбий эҳтиёжлар учун 2,133 триллион доллар сарфлаган. Бу ҳақда Стокгольм халқаро тинчлик тадқиқот институти (SIPРИ) маълум қилди.
Маълум қилинишича, ушбу кўрсаткич кетма-кет етти йилдан буён ўсмоқда, 2021 йилда ўсиш реал кўрсаткичда 0,7 фоизни ташкил этган. Энг йирик харажатлар АҚШ, Хитой, Ҳиндистон, Буюк Британия ва Россия ҳисобига тўғри келмоқда.
Ҳарбий харажатлар бўйича етакчилар:
- АҚШ — 801 миллиард доллар (-1,4 фоиз);
- Хитой — 293 миллиард доллар (+4,7 фоиз);
- Ҳиндистон — 76,6 миллиард доллар (+0,9 фоиз).
ЯИМ улушидаги ҳарбий харажатлар 0,1 фоизга камайган — 2,2 фоизгача. Экспертлар буни пандемиядан кейин иқтисодиётнинг кескин қайта тикланиши билан боғламоқда.
Украинанинг ҳарбий харажатлари 2014 йилдан бери 72 фоизга ортган, 2021 йилда эса 5,9 миллиард долларга қадар (ЯИМнинг 3,2 фоизи) қисқарган. Эроннинг харажатлари тўрт йил ичида биринчи марта ошиб, 24,6 миллиард долларга етган.
Аввалроқ Украина Молия вазирлиги бир ой давомида ҳарбий ҳаракатларга сарфланган харажатлар миқдорини, тахминан, 10 миллиард долларга баҳолаганди.
Изоҳ (0)