Dunyo davlatlari 2021-yilda harbiy ehtiyojlar uchun 2,133 trillion dollar sarflagan. Bu haqda Stokgolm xalqaro tinchlik tadqiqot instituti (SIPRI) ma’lum qildi.
Ma’lum qilinishicha, ushbu ko‘rsatkich ketma-ket yetti yildan buyon o‘smoqda, 2021-yilda o‘sish real ko‘rsatkichda 0,7 foizni tashkil etgan. Eng yirik xarajatlar AQSH, Xitoy, Hindiston, Buyuk Britaniya va Rossiya hisobiga to‘g‘ri kelmoqda.
Harbiy xarajatlar bo‘yicha yetakchilar:
- AQSH — 801 milliard dollar (-1,4 foiz);
- Xitoy — 293 milliard dollar (+4,7 foiz);
- Hindiston — 76,6 milliard dollar (+0,9 foiz).
YIM ulushidagi harbiy xarajatlar 0,1 foizga kamaygan — 2,2 foizgacha. Ekspertlar buni pandemiyadan keyin iqtisodiyotning keskin qayta tiklanishi bilan bog‘lamoqda.
Ukrainaning harbiy xarajatlari 2014-yildan beri 72 foizga ortgan, 2021-yilda esa 5,9 milliard dollarga qadar (YIMning 3,2 foizi) qisqargan. Eronning xarajatlari to‘rt yil ichida birinchi marta oshib, 24,6 milliard dollarga yetgan.
Avvalroq Ukraina Moliya vazirligi bir oy davomida harbiy harakatlarga sarflangan xarajatlar miqdorini, taxminan, 10 milliard dollarga baholagandi.
Izoh (0)