Oddiy hamda mazali: lavash xamiridan tayyorlanadigan 4 xil yegulik retsepti

Qisqa vaqt ichida taom tayyorlash kerak bo‘lganda, albatta, lavash xamiri yordamga keladi. Ichiga tvorog va ko‘katlar solib, pishiriladigan ruletlar esa barchaga manzur kelishi shubhasiz. “Domashniy ochag” nashri pazanda bekajonlar uchun lavash xamiridan tayyorlash mumkin bo‘lgan 4 xil retseptni taqdim etdi.

Mol go‘shtili nonlar: Tako retsepti

Meksikada lavash xamiri o‘rniga pita noni iste’mol qilinadi. Lekin ular ta’m jihatidan farq qilmaydi.

Kerakli mahsulotlar:

• mol go‘shti — 700 gramm;
• ketchup — 1 osh qoshiq;
• xantal — 3 osh qoshiq;
• balzamik sirka — 3 osh qoshiq;
• sarimsoq — 3 dona;
• lavash xamiri, barbekyu ziravorlar aralashmasi.

1. Mol go‘shtidan tashqari barcha mahsulotlar idishga solib aralashtiriladi.
2. So‘ngra tovaga solinib, ustidan go‘sht qo‘shiladi.
3. Taom past olovda 8 soat davomida pishiriladi.
4. Go‘shtlar yana alohida olinib, bo‘laklarga bo‘linib, yana tovaga solinadi.
5. So‘ngra lavash xamiri ustida bir bo‘lak go‘sht, ko‘kat, rediska solib, dasturxonga tortiladi.

Kerakli mahsulotlar:

• qiyma — 600 gramm;
• lavash xamiri — 2 dona;
• tuxum — 4 dona;
• piyoz — 1 dona;
• kartoshka — 3 dona;
• bulg‘ori qalampiri — 2 dona;
• sariyog‘ — 1 osh qoshiq;
• smetana — 3 osh qoshiq;
• tomat pastasi — 2 osh qoshiq;
• ko‘kat va ziravorlar.

1. Kartoshka qirg‘ichdan o‘tkaziladi. Piyoz mayda to‘g‘ralib, qovuriladi.
2. 1 dona tuxum, piyoz, kartoshka, ko‘kat va qiyma ziravorlar bilan aralashtiriladi.
3. Bulg‘ori qalampiri urug‘idan tozalanib, somoncha shaklida to‘g‘raladi.
4. 3 dona tuxum ko‘pirtirilib, tomat pastasi, smetana, tuz va ziravorlar qo‘shiladi.
5. Lavash xamiri yoyiladi va ustiga avval bulg‘ori qalampiri va qiymali nachinka solinadi. Lavash xamiri rulet shaklida o‘raladi. So‘ngra ustidan tuxumli aralashma quyiladi.
6. Multivarkaning bug‘da pishiriladigan qolipiga sariyog‘ solinadi, pirog joylashtiriladi va 1 soat davomida pishiriladi.
7. Go‘shtli pirog tayyor bo‘lgach, sovitish uchun qo‘yiladi.

Kerakli mahsulotlar:

• tovuq filesi — 400 gramm;
• qizil bulg‘ori qalampiri — 1 dona;
• yashil bulg‘ori qalampiri — 1 dona;
• piyoz — 1-2 dona;
• smetana — 250 gramm;
• sarimsoq — 3 dona;
• sariyog‘ — 50 gramm;
• tuz va ziravorlar.

1. Piyoz, bulg‘ori qalampiri mayda to‘g‘raladi. Tovuq ham kichik bo‘laklarga bo‘linib, hammasi birgalikda qovuriladi.
2. Lavash xamiri uchburchak shaklda to‘rt qismga bo‘linadi. Ichiga nachinka solinib, rulet shaklida o‘raladi.
3. So‘ngra 10-15 daqiqa davomida 180-200 daraja pechda pishiriladi.
4. Sarimsoq maydalanib, smetana bilan aralashtiriladi.
5. Paprika yog‘da qovuriladi va sous ustiga quyiladi.
6. Lavash-kaboblar sous bilan birgalikda dasturxonga tortiladi.

Kerakli mahsulotlar:

• pomidor — 2 dona;
• avokado — 1 dona;
• lavash xamiri — 2 dona;
• qo‘ziqorin — 2 dona;
• zaytun yog‘i — 2 osh qoshiq;
• qattiq pishloq — 170 gramm;
• ismaloq — 1 paket;
• smetana, tuz va ziravorlar.

1. Pomidor, avokado va 1 osh qoshiq limon sharbati aralashtiriladi. Tuz va ziravorlar sepiladi.
2. Lavash xamiri yoyilib, bir xil dumaloq shaklda kesib olinadi. Avval qirg‘ichdan o‘tkazilgan pishloq sepiladi va ustidan ismaloq solinadi.
3. Qo‘ziqorin bo‘laklarga bo‘linib, yog‘da qovurib olinadi va ismaloq ustidan qo‘yilib, yana pishloq sepiladi.
4. So‘ngra xamir nachinka ustiga yopiladi. Pechning grill qismida qizarguncha pishiriladi.
5. Dasturxonga sous hamda pomidorli salat bilan birgalikda tortiladi.