Франция чемпионатининг 33-тур «Анжер»га қарши баҳсда (3:0) «ПСЖ» ҳужумчиси Килиан Мбаппе ўз ҳисобига гол ёздириб қўйди.
23 ёшли Килиан Париж клуби сафида Лига 1 даги голлари сонини 113 тага етказди ва бу борада жамоанинг собиқ ҳужумчиси Златан Ибраҳимович билан тенглашиб олди.
Мбаппега ушбу натижага эришиш учун 137 та ўйин керак бўлган бўлса, швед 122 та ўйинда 113 та гол уришга муваффақ бўлган.
«ПСЖ»нинг Лига 1 даги энг яхши тўпурари Эдинсон Кавани ҳисобланади. Уругвайлик ҳужумчи Франция чемпионатида 138 та гол урган.
Килиан Мбаппе кетма-кет 5 ўйиндан буён гол уриб келмоқда. Ҳужумчи клуб ва терма жамоа сафида сўнгги 5 ўйинда 9 та голга муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)