Fransiya chempionatining 33-tur “Anjer”ga qarshi bahsda (3:0) “PSJ” hujumchisi Kilian Mbappe o‘z hisobiga gol yozdirib qo‘ydi.
23 yoshli Kilian Parij klubi safida Liga 1 dagi gollari sonini 113 taga yetkazdi va bu borada jamoaning sobiq hujumchisi Zlatan Ibrahimovich bilan tenglashib oldi.
Mbappega ushbu natijaga erishish uchun 137 ta o‘yin kerak bo‘lgan bo‘lsa, shved 122 ta o‘yinda 113 ta gol urishga muvaffaq bo‘lgan.
“PSJ”ning Liga 1 dagi eng yaxshi to‘purari Edinson Kavani hisoblanadi. Urugvaylik hujumchi Fransiya chempionatida 138 ta gol urgan.
Kilian Mbappe ketma-ket 5 o‘yindan buyon gol urib kelmoqda. Hujumchi klub va terma jamoa safida so‘nggi 5 o‘yinda 9 ta golga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)