Футбол бўйича Испания Ла Лигасининг 33-туридан ўрин олган қатор учрашувлар 20 апрель, чоршанба куни бўлиб ўтди.
«Реал» сафарда «Осасуна»га қарши баҳс олиб борди. Учрашувнинг 12-дақиқасида Давид Алаба мадридликларнинг дастлабки голига муаллиф бўлди. Орадан бир дақиқа ўтиб, Анте Будимир мувозанатни тиклашга муваффақ бўлди.
Биринчи бўлим якунланиши арафасида Марко Асенсио меҳмонларни яна ҳисобда олдинга олиб чиқди. Иккинчи бўлим бошида «Реал» икки бор пенальти тепиш имкониятига эга бўлди, бироқ Карим Бенземанинг йўлланган зарбаларини дарвозабон бартараф этишга муваффақ бўлди. Ҳакам томонидан қўшиб берилган вақтда Лукас Васкес Винисиуснинг узатмасидан кейин якуний ҳисобни ўрнатди.
«Атлетико» ўз уйида «Гранада» дарвозасига йўл тополмай, нурсиз дурангга имзо чекди.
«Реал» 78 очко билан якка пешқадам бўлиб турибди. Иккинчи ўриндаги «Атлетико» ҳисобида 61 очко мавжуд.
Ла Лига
33-тур баҳслари
20 апрель, чоршанба
«Осасуна» – «Реал Мадрид» 1:3
Голлар: 0:1 – 12 Алаба, 1:1 – 13 Будимир, 1:2 – 45 Асенсио, 1:3 – 90+6 Васкес.«Осасуна»: Эррера, Видаль, Аридане, Давид Гарсия, Хосе Анхель (Барха, 68), Рубен Гарсия (Санчес, 46), Брашанац (Роберто Торрес, 80), Мартинес (Ойер Санхурхо, 68), Монкайола, Чими Авила (Барберо, 85), Будимир.
«Реал Мадрид»: Куртуа, Алаба (Карвахаль, 46), Милитао, Начо, Себальос (Кроос, 71), Вальверде, Камавинга (Иско, 74), Васкес, Бензема, Асенсио, Родриго (Винисиус, 90).
Огоҳлантиришлар: Камавинга (5), Брашанац (44), Милитао (60), Начо (62).
Изоҳ (0)