Бугун,

  • USD 11014.01
  • RUB 191.8
  • EUR 10674.78

Март ойи ўрталарида Марказий банк асосий ставкани 17 фоизга оширди. Бу тарихий воқеа бўлган эди — охирги марта ставка 2018 йили кўтарилган эди. Бундан ташқари, 2004 йилдан бери биринчи марта ставка 16 фоиздан юқори бўлди.

Фото: «Дарё» / Мадина Нурман

Фото: «Дарё» / Мадина Нурман

Марказий банк маълумотларига кўра, мазкур ўзгариш пул бозоридаги фоиз ставкаларида ўз аксини топган.

Март ойининг иккинчи ярмида Uzonia индекси ўртача 17,2 фоиз даражасида шаклланган бўлса, апрель ойининг дастлабки ярмида ўртача 18 фоизга тенг бўлди.

Чорак давомида банклараро пул бозорида фаолликнинг ортиши кузатилиб, ўтган йилнинг IV чораги билан солиштирганда 1,3 баробарга кўп, жами 27,7 трлн сўмлик операциялар амалга оширилди.

Март ойининг ўзида пул бозорида жами 12,5 трлн сўмлик депозит операциялари амалга оширилди ва бу ликвид маблағларга бўлган талабнинг вақтинчалик ошганлиги билан изоҳланади.

 

Банклар томонидан аҳолига таклиф этилаётган муддатли омонатларнинг ставкалари ҳам жорий пул-кредит шароитларидан келиб чиқиб ўртача тортилган фоиз ставкалар март ойи якунлари бўйича 20,9 фоизгача ошди (январь ойида 20,2 фоиз).

Бу ўз навбатида, миллий валютадаги муддатли омонатлар бўйича ўсиш суръатларининг қайта тикланишига хизмат қилмоқда.

Хусусан, апрель ойининг биринчи ярмида аҳолининг миллий валютадаги муддатли омонатлар ҳажми 5 фоизга ўсди (март ойининг мос даврида 1,3 фоизга пасайган).

Умуман олганда, сўмдаги активлар баҳосининг нисбий устунлиги шароитида 20 апрель ҳолатига аҳолининг миллий валютадаги муддатли омонатлар ҳажми йил бошидан 14 фоизга ошди.

Аввалроқ Ўзбекистонда асосий ставка нималарга таъсир қилиши ҳақида хабар берилган эди.

Изоҳ
Асосий янгиликлар