Бугун,

  • USD 10940.05
  • RUB 182.26
  • EUR 11121.65

YouTube’даги «Гараж 54» каналининг муаллифлари ҳаракатланиш вақтида автомобилни ювиш жараёнлари тасвирланган янги видеороликни тақдим этди.

Кадр: YouTube

Кадр: YouTube

Блогерлар тажриба тариқасида сариқ-қора рангли кузовга эга бешинчи авлод Chevrolet Camaro’дан фойдаланишга қарор қилган. Спорткарни пойга трассасида ювишда ойналари махсус очилган эски фургондан пулверизаторлардан фойдаланилган. Очиқ-ойдин хавфга қарамай, мутахассислар автомобилни ювишни якунлашга муваффақ бўлган.

Дастлабки босқичда мутахассислар пулверизатор ёрдамида ҳаракатланаётган автомобилга совун аралашмасини сепган. Автомобиль у қадар тез юрмаётган бўлса-да, блогерларга уни «совунлашга» анча вақт кетган. Спорткар кўпик билан тўлиқ қоплангач, улар бошқа сув идишига уланган бошқа бир пулверизатор ёрдамида уни ювишга киришган. Аралашмани ювиш осон кечмаган, аммо жамоа буни муваффақиятли уддалаган.

Тажриба якунида кузовни қуритиш керак эди. Бироқ ҳаракат вақтида классик усулдан фойдаланиш ўз жонига қасд қилиш билан тенг. Шу сабабли блогерлар Cамарўга пойга трассасида ўз тезлигини намойиш этишга қўйиб берган. Майдонни айланиб чиққан спорткар деярли қуриб бўлган. Таржиба муваффақиятли якунланган бўлса-да, блогерлар умумий фойдаланишдаги йўллардан бундай хавфли трюкларни бажармасликка чақирган.

Бунга қадар «Гараж 54» канали блогерлари «Ока» автомобилини сузишга «ўргатган», «Жигули»га «ЗИЛ-130» двигатели ўрнатиш лойиҳасини якунига етказган эди.

Изоҳ
Асосий янгиликлар