Болалар учун ишланган машҳур мультфильмлардаги фақат катталар тушунадиган кадрлар (фото)

Анимация студиялари нафақат болалар, балки катталар учун ҳам қизиқарли бўлган мультфильм чиқариш ўз аудиториясини ва даромадини сезиларли даражада оширишини яхши билишади. Аммо буни амалга ошириш унчалик осон эмас. Катталарни картинани томоша қилишга ундашнинг усулларидан бири мультфильмларни улар тушунадиган ишоралар, ҳазиллар билан тақдим этишдир, лекин болалар буни сезишмайди ҳам.

«Сув париси»

Ariel топиб олган одамлар дунёсидан нарсалар тўпламида шам ёнида ўтирган қиз сурати ҳам бор. Бу Жорж де Латурнинг «Тавба қилаётган Мария Магдалина» асари. Унинг тиззасида одамнинг бош суяги бор. Калла суяги болалар мультфильмида нима қиляпти?

Эҳтимол, картина Arielнинг янги Мария Магдалина эканига ишора қилаётгандир. У ҳам худди Магдалина каби малласоч, патриархат билан курашади ва хоҳиш-истаклари учун танқид қилинади.

«Руҳлар олами»

Гарчи ёқимсиз бўлса-да, мультфильмдаги энг ҳайратланарли саҳналардан бири бу Руҳнинг ювинтирилиши. Бу қисман Хаяо Миязаки шахсий тажрибасига асосланган. Бир куни у уйи яқинидаги дарёнинг тозаланишига гувоҳ бўлади.

Йиллар давомида дарё тубида жуда кўп ахлат тўпланиб қолади. Унинг орасида бир ғилдираги сувдан чиқиб қолган эски велосипед ҳам бор эди, лекин шу қадар лой бўлганидан уни сувдан чиқариш жуда қийин бўлган. Бу ёқимсиз лаҳза ҳайратда қолган карикатурачининг хотирасида сақланиб қолади ва кейинчалик у уни мультфильмига киритади.

«Ҳайвонлар шаҳри»

Ушбу мультфильмда бош қаҳрамонлар майда жониворлар олдига ташриф буюришгандаги кулгили бир лаҳза бор. Дарҳақиқат, жаноб Big – ўткир тиш, ўта тажовузкор ва очкўз кемирувчи.

Бундан ташқари, бу персонаж ва ундаги кадр «Чўқинтирган ота» фильмидаги Вито Корлеонега, хусусан, қизининг тўйи саҳнасига ишорадир. Мультфильмдаги бу тафсилот болалар учун эмаслиги аниқ.

«Оловуддин»

Мультфильм давомида Жин турли машҳур кишиларнинг қиёфасига киради, лекин уларнинг аксарияти 1992 йилда ҳам болаларга таниш эмас эди. Ўша пайтдаги машҳур шахслардан у Арнольд Шварценеггер, Роберт де Ниро ва Жек Николсонга пародия қилган.

Болалар танимаган яна кўплаб юлдузлар бор, лекин уларнинг ота-оналари таниши аниқ: Сенор Венсес, Эд Салливан, Гроучо Маркс, Арсенио Холл, Петер Лорре, Кеб Келлоуз ва бошқалар.

«Шерлок Гномс»

«Шерлок Гномс» мультфильмида Шерринфорд транспорт компаниясининг юк машинасини кўриш мумкин. Шерлок Холмс номи пайдо бўлишидан олдин Артур Конан Дойлнинг Шерринфорд исмли қаҳрамони бўлган. Бу ном дастлабки қораламаларда топилган. Ёзувчи вафот этганидан кейин бошқа биров томонидан ёзилган Шерлок Холмснинг турли романларида Шерринфорд Шерлок ва Майкрофтнинг акаси дейилади.

«Рататуй»

Асл нусхада жаноб Живодернинг фамилияси Скиннер. У каламушлар устида ўтказган тажрибалари билан машҳур бўлган психолог Буррес Фредерик Скиннер шарафига номланган.

«Кунг-фу панда»

«Кунг-фу панда» мультфильмида кўп саҳналарда шафтоли дарахти бор, Угвейнинг таёғи ҳам шафтоли ёғочидан қилинган. Гап шундаки, Хитой маданиятида шафтоли боқийлик рамзи ҳисобланади. Шафтоли дарахтининг гуллари ва барглари Даосс афсунида қўлланади. Шафтоли дарахтининг ёғочи ёмонликдан сақлайди, деб ишонилади. Ёш томошабинлар бундай рамзийликни деярли билишмаса ҳам керак.

«Автомобильлар»

«Автомобильлар» (2006) фильмида Луижининг давлат рақами 44,5-10,8. Бу Италиянинг Модена шаҳридаги Ferrari заводининг координаталари.

«Дамбо»

1941 йилда экранларга чиққан «Дамбо» мультфильмида сичқонча Тимоти филчага: «Кўпчилик қулоғи катталар машҳур бўлиб кетади!» деганида, у катта қулоқлари билан танилган «Голливуд қироли» Кларк Гейблни назарда тутади.