АҚШнинг Флорида штатида яшовчи йигит «Ўргимчак одам: Уйга йўл йўқ» фильмини кинотеатрда 292 марта кўриб, жаҳон рекордини ўрнатди. Бу ҳақда Гиннеснинг рекордлар китоби сайтида маълум қилинди.
Рамиро Аланис «Ўргимчак одам»нинг сўнгги қисмини томоша қилишга 720 соат ёки 30 кун сарфлаган. Америкаликларнинг ҳисоб-китобларига кўра, кинотеатр чипталари учун тахминан 3,4 минг доллар сарфланган.
Киносеансларда Аланис фильмни кўришдан чалғимаган, ҳожатхонага кирмаган ва телефондан фойдаланмаган. Шунингдек, у томошабинлар залида титрларни ўтказиб юбормай, сеанс охирига қадар қолган. Бундан олдинги киномарафонда Аланис ҳожатхонага чиққани учун 11 марта кўришлар сони ҳисобланмаган эди.
Аланис битта фильмни кўп маротаба кўриш бўйича биринчи рекордини 2019 йилда ўрнатган: у ўшанда «Қасоскорлар: Интиҳо»ни 191 марта кўрган. Бироқ кўп ўтмай, франциялик йигит «Камелот: Қиролнинг қайтиши»ни 204 марта кўриб, рекордни янгилаган эди.
Аввалроқ «Ўргимчак одам: Уйга йўл йўқ» фильми АҚШ тарихидаги энг кассабоп фильмлар учлигига киргани тўғрисида хабар берилганди.
Изоҳ (0)