Оламшумул машҳурлик келтириши мумкин бўлган ролларни рад этган актёр ва актрисалар (фото)

Кино соҳасида ишлашнинг нозик жиҳатларидан йироқ оддий томошабинга ҳар қандай актёр маълум бир фильмда рол ўйнаш учун ҳамма нарсани қурбон қилишга тайёрдек туюлиши мумкин. Бироқ бу мутлақо нотўғри. Баъзида турли сабабларга кўра, юлдузлар ролдан қатъиян воз кечади, ҳатто таниқли режиссёрлар фильмда иштирок этишини сўраса ҳам.

Сем Уит роли — Брюс Уиллис ва Патрик Суэйзи

Фильмдаги асосий ролни таклиф қилишганида Брюс Уиллис Деми Мурга уйланган эди. Сценарий билан танишиб чиққач, у ўйланиб қолади: фильм ижодкорлари қандай қилиб арвоҳ йигит иштирокида ўта кучли романтик сюжетни яратишади? Актёр фильм муваффақиятига ишонмади ва ролдан осонликча воз кечди.

Патрик Суэйзи эса ўз навбатида, рол билан танишиб чиқишга шошилмади. Аёлининг қистови билан сценарийни қўлга олган Суэйзи уни бир ўтиришдаёқ ўқиб чиқди ва кўзига ёш олди — у ролни ижро этишга тайёр эди.

Дейзи Домерг роли — Женнифер Лоуренс ва Женнифер Жейсон Ли

«Жирканч саккизлик» фильмидаги асосий роллардан бири, яъни судланган Дейзи Домерг қаҳрамони дастлаб Женнифер Лоуренсга таклиф қилинган. Бу таклиф шунчаки эмас, балки шахсан режиссёр Квентин Торонтино унинг мухлиси бўлгани учун бу ролни айнан у ижро этишини жуда ҳам хоҳлаган. Бироқ актрисанинг қатъий иш жадвали бунга халақит берди.

Тарантино аввалига Женнифер Жейсон Ли ҳам таклифини рад этади, учрашувга эса шунчаки одоб юзасидан келган деб ўйлаган. Чунки актриса ўша пайтда «Жой» фильмида суратга тушаётган эди.

Жеймс Бонд роли — Лиам Нисон ва Пирс Броснан

Лиамнинг ўзи тан олганидек, 90 йиллардаги Бонд ролини тўғридан-тўғри матн билан таклиф қилиш учун вақт йўқ эди. Фильм продюсери билан фақат бир нечта юзаки суҳбатлар бўлган, холос. Фильм ижодкорлари эса ўша пайтда у билан бирга яна кўплаб номзодларни кўриб чиқишди.

Шу билан бирга, Наташа Ричардсон исмли қиз ҳам Лиам Нисоннинг рад жавоби учун ҳал қилувчи сабаб бўлди, у очиқчасига: «Азизим, агар Жеймс Бонд ролини таклиф қилишса-ю, бунга рози бўлсанг, ҳеч қачон сенга турмушга чиқмайман», деди. Охир-оқибат улар турмуш қурди ва узоқ вақтгача қачонки жанжаллашгудек бўлишса, актёр фильмдаги мусиқани баралла қўйиб, аёлига ҳазил қиладиган бўлди.

Гендалф роли — Шон Коннери ва Иэн Маккеллен

Бугун «Узуклар ҳукмдори» фильмлар сериясини дунё хити сифатида биламиз. Аммо даставвал киностудия уни жуда таваккал лойиҳа ҳисоблаган: улкан бюджет, нисбатан таниқли бўлмаган режиссёр, машҳур актёрларнинг йўқлиги шубҳаларни келтириб чиқарди.

Охир-оқибат энг камида асосий роллардан бири, масалан, кучли сеҳргар Гендалф ролига машҳур актёр Шон Коннерини таклиф қилиш тўғрисида қарор қабул қилинди. Бироқ у ақл бовар қилмайдиган даражадаги гонорар ва бир дунё ваъдаларга қарамай, ролни рад этади. Буни сценарийни тушунмагани билан изоҳлайди.

Майкл Корлеоне роли — Жек Николсон ва Ал Пачино

Умуман олганда, Николсон бу ролни ўйнашга қарши эмас эди, лекин уни рад этади ва бу лойиҳанинг муваффақиятига шубҳалангани учун эмасди. Аксинча, актёр ролнинг аҳамиятини тўғри баҳолади ва персонажнинг итальян илдизларини ҳисобга олган ҳолда уни итальян қони бор актёр ўйнаши кераклигини айтди. Жек Николсоннинг сўзларига кўра, кўплаб актёрлар Майкл Корлеонени ўйнаши мумкин эди, аммо айнан Ал Пачино бу рол учун туғилган.

Вивиан роли — Сара Жессика Паркер ва Жулия Робертс

Маълум бўлишича, дастлаб Жулиа Робертс рол учун асосий даъвогарлардан бўлмаган: Disney студияси уни асосий ролга олишни умуман хоҳламайди. Шу сабабли Сандра Буллок, Вайнона Райдер, Дрю Берримор, Сара Жессика Паркер каби ўнлаб бошқа актрисалар кўриб чиқилади.

Лекин уларнинг барчаси охир-оқибат турли сабабларга кўра рад этади. Натижада унчалик ҳам ном чиқармаган Робертс ҳақиқий юлдузга айланди.

Нео роли — Жонни Депп ва Киану Ривз

Жонни Депп ва Киану Ривзнинг ижод йўллари кўп марта кесишиб ўтган ва бундай воқеалардан бири «Матрица» билан боғлиқ. Аввалига Нео роли учун танланган актёр Депп эди. Ҳатто Warner Brothers компанияси ҳам бунга рози бўлмаган, ролни Бред Питт ўйнашини хоҳлаган. Лекин компания охир-оқибат рози бўлади ва уни ёллашга қарор қилади.

Аммо Депп рад жавобини бериб, Ривзга ўзини исботлаш имкониятини берди. Энди эса нинг ўрнида бошқа бировни тасаввур қилиш қийин.

Роуз роли — Гвинет Пелтроу ва Кейт Уинслет

«Титаник»даги Роуз ҳақида гапирганда ҳамманинг кўз олдида Кейт Уинслет гавдаланади. Гвинет Пелтроу бу персонажни гавдалантириши мумкинлигини тасаввур қилиш қийин.

Нега рад жавобини берганлиги сўралганда актриса аниқ жавоб бермай, ҳар қандай актёр баъзан нотўғри ролларни қабул қилишини ва муваффақиятли лойиҳаларни рад этиши мумкинлигини таъкидлаган холос.

Максимус роли — Мел Гибсон ва Расселл Кроу

Гибсоннинг «Телба Макс" ва «Шерюрак» фильмларидаги роллари орқали эришган жасур йигит ампуласи ва у аллақачон эришган машҳурлигини ҳисобга олсак, у Максимус роли дастлаб унга таклиф қилингани ажабланарли эмас.

Бироқ актёр айрим сабабларга кўра бу ролни рад этади: у ўзини жуда кўп динамик саҳналар учун кекса деб билишини тан олади. Натижада Рассел Кроу бош ролга тайинланади ва гладиатор роли уни Голливуд юлдузига айлантиради.

Жейк Салли роли — Жейк Жилленхол ва Сем Уортингтон

Дастлаб Мэтт Деймон ва Жейк Жилленхолга «Аватар» фильмидаги бош рол таклиф қилинган. Бироқ уларнинг рад этиши режиссёр Жеймс Кемеронни хафа қилишдан кўра мамнун қилади.

У аввалига ўша пайтда ҳали танилмаган австралиялик актёр Сем Уортингтонни ролга муносиб кўрганини тан олади, лекин Fox студияси раҳбарларини тинчлантириш учун ролни биринчи навбатда юқори тоифадаги юлдузларга таклиф қилишга мажбур бўлади, бу орқали эса таниқли актёрлар туфайли касса тушумлари кўпайиши ва бундай қиммат лойиҳанинг рискларини қоплаш кутилган эди. Юқоридаги актёрлар рад этишганда эса рол табиий равишда Семга қолди, муваффақиятли лойиҳа туфайли яна бир юлдуз пайдо бўлди.